Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. febrúar. 2015 12:49

Jón Hrói ráðinn sviðstjóri velferðar- og mannréttindasviðs Akraneskaupstaðar

Bæjarstjórn Akraness samþykkti á aukafundi sínum í gær að ráða Jón Hróa Finnsson í starf sviðsstjóra velferðar- og mannréttindasviðs. Sviðið varð til í kjölfar stjórnkerfisbreytinga hjá Akraneskaupstað síðastliðið haust og annast verkefni á sviði félagsþjónustu, mannréttindamála, þjónustu við fatlaða og aldraða og barnavernd. Starfið var auglýst í nóvember. Tuttugu og fimm umsækjendur voru um starfið en fjórir drógu umsóknir sínar til baka.

 

 

Jón Hrói er með meistaragráðu í stjórnsýslufræðum frá Háskólanum í Árósum í Danmörku frá árinu 2004 og lauk BA námi í stjórnsýslufræði við sama háskóla árið 2000. Lokaritgerð hans í meistaranáminu fjallaði um íslenska velferðarkerfið í alþjóðlegum samanburði. Jón Hrói starfaði sem sveitarstjóri Svalbarðsstrandarhrepps árin 2010 til 2014, var þróunarstjóri Fjallabyggðar 2007 til 2010 og ráðgjafi hjá ParX viðskiptaráðgjöf 2004 til 2007. Í starfi sínu sem sveitarstjóri Svalbarðsstrandarhrepps hafði Jón Hrói yfirumsjón með verkefnum sveitarfélagsins og daglegri starfsemi þess, m.a. stefnumótun, fjármálagerð og starfsmannamálum. Þá kom hann að endurnýjun þjónustusamninga og undirbúningi að yfirtöku málefna fatlaðra til sveitarfélagsins og sat sem fulltrúi á samráðsvettvangi þeirra sveitarfélaga í Eyjafirði sem standa sameiginlega að þjónustu við fatlaða. Meðal helstu verkefna sem þróunarstjóri í Fjallabyggð var umsjón með samþættingu verkefna í kjölfar sameiningar Siglufjarðar og Ólafsfjarðar, þ.m.t. endurskipulagning rekstrar og stjórnskipulags.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is