Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. febrúar. 2015 12:48

Sigurför leikritsins MAR heldur áfram

Ekkert lát er á aðsókn á leikritið MAR sem sýnt hefur verið fyrir fullu húsi í Frystiklefanum í Rifi á Snæfellsnesi frá því um jól. „Það eru komnir eitthvað um 1.600 manns á sýninguna. Alls hafa sýningarnar verið um 30 talsins. Í gær, laugardagskvöld vorum við með tvær fullsetnar sýningar, alls hundrað manns. Þetta var fólk sem var að koma hingað úr Reykjavík, Búðardal og frá fleiri stöðum. Það lagði það á sig að koma akandi hingað vestur í brjáluðu veðri. Reyndar var svo hvasst að ég átti von á afföllum, að fólk sem væri búið að panta myndi ekki birtast, en það gerðist ekki. Áhorfendur eru greinilega reiðubúnir að leggja ýmislegt á sig til að sjá sýninguna,“ segir Kári Viðarsson leikstjóri, leikari og eigandi Frystiklefans.  

 

Sýningar eru nú svo gott sem fullbókaðar út febrúar. Örfá sæti eru enn laus sæti á tveimur sýningum um næstu helgi. Eftir það verður gert hlé á sýningum á MAR.  „„Við vorum bara búin að skipuleggja tíma okkar öðruvísi í mars því við áttum ekki von á þessum viðtökum og að MAR yrði sýnt svona lengi. Við förum í mánaðarhlé og byrjum svo aftur 21. mars. Ég er að fara í önnur verkefni, þarf að fara suður og sinna þeim. Meðal annars þarf ég að undirbúa sumardagsskrána hjá Frystiklefanum. Svo hef ég skráð mig á nokkur námskeið í leiklist, svokölluðum spuna og kvikmyndaleik og lesa inn á nokkrar auglýsingar sem ég var búinn að lofa. Mótleikari minn Freydís Bjarnadóttir var líka búin að panta sér far í ferðalag erlendis,“ segir Kári.

 

Búið er að setja upp fjórar sýningar á MAR í Frystiklefanum í seinni hluta mars. "Svo ætlum við bara að sjá til með framhaldið. Ef það selst strax upp þá, þá bætum við fleiri sýningum við,“ segir Kári Viðarsson.

 

Hér fyrir neðan má skoða innslag úr Sjónvarpi Skessuhorns þar sem fjallað er um sýninguna MAR. Þar er meðal annars rætt við Hilmar Snorrason skólastjóra Slysavarnarskóla Sjómanna þar sem hann segir nýkominn af sýningunni: "Þetta er magnaðasta sýning sem ég hef á ævinni horft á."

 

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is