Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. febrúar. 2015 03:34

Hillir undir lok tilraunaverkefnisins Menntun núna

Í gær fór fram á Bifröst í Borgarfirði vinnufundur vegna tilraunaverkefnisins „Menntun núna“ í Norðvesturkjördæmi og í Breiðholti. Þetta eru tvíburaverkefni sem hrundið var af stað fyrir nokkrum árum samtímis á þessum tveimur svæðum. Markmið verkefnisins um aukna menntun í Norðvesturkjördæmi var að efla ráðgjöf til fyrirtækja um nám á vinnustað, auka samstarf atvinnulífs og fræðsluaðila um starfstengt nám, fjölga einstaklingum sem ljúka iðnnámi og efla íslenskukunnáttu innflytjenda. Nú er talið að markmiðum hafi verið náð með mælanlegum árangri, sumt hafi jafnvel tekist betur en áætlað var. Skólameistarar framhaldsskólanna í Norðvesturkjördæmi, forstöðumenn símenntunarmiðstöðvanna og starfsfólk sem unnið hefur að verkefninu hittist á mánudaginn á Bifröst í tilefni þess að verkefninu í kjördæminu lýkur 1. mars næstkomandi. Nú í vor verður svo málstofa með hagsmunaðilum þar sem kynntur verður með formlegum hætti afrakstur verkefnanna og sá lærdómur sem draga má af þeim.

 

 

Geirlaug Jóhannsdóttir hefur verið verkefnisstjóri með Menntun núna í Norðvesturkjördæmi. Hún segir að 112 einstaklingar hafi nú þegar lokið raunfærnimati í ýmsum greinum í tengslum við verkefnið og útlit sé fyrir að allt að 165 einstaklingar muni ljúka mati áður en verkefninu lýkur. „Flestir þessara einstaklinga halda áfram námi í kjölfar raunfærnimats. Markmiðið okkar var að koma 60 einstaklingum í gegnum raunfærnimat en árangurinn varð um tvöfalt betri, sem er afar ánægjulegt,“ segir Geirlaug.

 

Nánar er rætt við Geirlaugu um menntaverkefnið í Skessuhorni sem kemur út á morgun. Þar er auk þess sérstaklega fjallað um verkefnið Fræðslustjóri að láni, en það hefur gefið góða raun í fyrirtækjum, meðal annars í Loftorku í Borgarnesi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is