Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. febrúar. 2015 01:44

Júlíana – hátíð sögu og bóka hefst á morgun í Stykkishólmi

Júlíana – hátíð sögu og bóka hefst á morgun, 26. febrúar í Stykkishólmi og stendur til sunnudagsins 1. mars. Hátíðin er nú haldin í þriðja sinn. Viðfangsefni hátíðarinnar að þessu sinni er minningar  – sannar, ósannar, héðan og þaðan. Þar kennir ýmissa grasa, dagskráin verður fjölbreytt að vanda og hefst hún formlega með opnun í Vatnasafninu á morgun kl. 20.

Á föstudeginum verður dagskrá víðs vegar um bæinn. Á Amtsbókasafninu verður opnuð sýning grunnskólanemenda þar sem þeir fást við minningar í ýmsu formi. Upplestur verður í Bókaverzlun Breiðafjarðar, boðið verður á sögustund í tveimur heimahúsum um kvöldið. Dagskrá föstudagsins endar svo með sögugerð á Hótel Egilsen.

 

Hópur fólks í tengslum við hátíðina les nú af kappi bók Kristínar Steinsdóttur rithöfundar; Vonarlandið. Kristín kemur og hittir leshópinn á laugardeginum, hún mun líka halda erindi í gömlu kirkjunni. Þar munu einnig Hallgrímur Helgason rithöfundur fjalla um bók sína, Konan við 1000° og Elísabet Jökulsdóttir rithöfundur  mun spjalla um bók móður sinnar Jóhönnu Kristjónsdóttur, Svarthvítir dagar og einnig segir hún frá verkum sínum. Allt eru þetta verk sem byggja á minningum út frá mismunandi sjónarhornum.

Á laugardagskvöldið verður dagskrá í Norska húsinu þar sem lesin verða ljóð Júlíönu Jónsdóttur sem var fyrst allra íslenskra kvenna að gefa út skáldrit á Íslandi. Ekki er hér allt upptalið. Verður því mikið um að vera í Hólmunin þessa helgi og eru Vestlendingar sem og aðrir hvattir til að kynna sér hátíðina og kíkja í Stykkishólm.

 

Dagskrána má nálgast með því að smella hér og opnast þá Facebook síða hátíðarinnar: Júlíana hátíð sögu og bóka.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is