Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. mars. 2015 02:26

Saxhamar tók niðri í innsiglunni í Rif

Línu- og netabátinn Saxhamar SH50 tók niðri í vikunni þegar skipið var að sigla inn í Rifshöfn. „Við vorum að koma úr okkar síðasta róðri eftir að hafa lokið við kvótann á þessu fiskveiðiári. Það var háfjara, bátinn tók óvænt niðri og hann sópaði grjóti í gegnum skrúfuna. Hún stoppaði og skipið varð vélarvana. Við settum strax út akkeri og björgunarskipið Björg kom svo og dró okkur að bryggju,“ segir Friðþjófur Sævarsson skipstjóri og útgerðarmaður Saxhamars.

 

„Það er kafari búinn að fara niður og skoða skrúfuna. Öll blöð í henni eru beygluð. Gírinn hefur sjálfsagt orðið fyrir tjóni. Hann er fastur í afturábak. Það eru líka skemmdir á skrúfuhaus og líklega einnig á skrúfuöxli. Þetta verður viðgerð sem tekur einn mánuð. Skipið er vélarvana og það verður dregið í slipp á Akureyri. Við áttum reyndar að óbreyttu að mæta með Saxhamar í slipp þar 7. apríl til að fara í venjubundið viðhald. Hamar SH mun draga Saxhamar norður.“

 

Friðþjófur segist ekki gera sér almennilega grein fyrir því hvað hafi gerst. „Það var auðvitað háfjara og mikið útfiri. Við vorum með einhver 46 tonn af fiski í skipinu eftir þennan róður. Við vorum á réttri siglingaleið. Þetta leiðindaóhapp er sjálfsagt tryggingamál. Það hafa engin sjópróf verið haldin, allavega hef ég ekki heyrt neitt. En það hlýtur að verða.“

 

Skipið hefur verið á netum síðustu tvo mánuði og fiskað afar vel. Eins og fyrr var greint var Saxhamar á innleið úr sínum síðasta róðri á þessu fiskveiðiári. Óhappið skerðir þannig ekki tekjumöguleika útgerðar og áhafnar. „Skipið fer ekki á veiðar næstu fimm mánuðina. Það var búið að segja öllum í áhöfninni upp eftir 30. mars,“ segir Friðþjófur Sævarsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is