Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. apríl. 2015 10:53

Landbúnaðarháskólinn leitar nauðarsamninga vegna Grímshaga

Eftirfarandi fréttatilkynning var að berast frá Landbúnaðarháskóla Íslands:

 

Vegna endurskipulagningar á starfsemi Grímshaga ehf.

 

Grímshagi ehf er félag í eigu Landbúnaðarháskóla Íslands (LbhÍ)  sem var stofnað árið 2009 í þeim tilgangi að halda utan um búrekstur á vegum skólans á Hvanneyri og Hesti. Segja má að þær væntingar sem bundnar voru við stofnun félagsins hafi ekki gengið eftir. 

Í ljósi langvarandi hallareksturs hefur stjórn Grímshaga ehf. því ákveðið, í samráði við LbhÍ, að endurskipuleggja starfsemina frá grunni með það að markmiði að reka  sjálfbæran fyrirmyndarbúrekstur á Hvanneyri í þágu rannsókna og kennslu.

 

Meginástæðurnar fyrir nauðsynlegri endurskipulagningu eru eftirfarandi:

1. Frá stofnun hefur Grímshagi ehf. verið rekinn með tapi og er nú svo komið að eigið fé hefur rýrnað um 86% frá stofnun félagsins. Það er því mat stjórnar að félagið stefnir að óbreyttu hraðbyri í gjaldþrot. 

 

2. Félagið hefur ekki getað staðið við skuldbindingar sínar í gildandi samstarfssamningi við LbhÍ. Þess vegna var samningnum sagt upp um áramótin með 6 mánaða fyrirvara eins og kveðið er á um.

 

Eftir ítarlega skoðun á þeim valkostum sem félagið hefur í þessari stöðu lagði stjórn félagsins það til við yfirstjórn LbhÍ að fjárbúið á Hesti yrði leigt út til einstaklinga en með skilyrðum sem tryggja að skólinn hafi þar áfram aðgang að kennslu- og rannsóknaraðstöðu.  Þessi tillaga var samþykkt og var fjárbúið auglýst til leigu frá og með næstu fardögum. Stjórnin óskaði einnig eftir því að skólinn legði til viðbótarfjármagn til þess að rétta við rekstur félagsins en yfirstjórn hans sá sér ekki fært að verða við þessu vegna bágrar fjárhagsstöðu skólans. Þess vegna hefur stjórn Grímshaga ehf. og yfirstjórn LbhÍ  ákveðið að leita nauðasamninga við lánadrottna og um leið að segja upp öllum starfsmönnum félagsins. Útkoman úr nauðasamningum mun síðan ráða miklu um framtíð félagsins og framtíð búrekstrar á Hvanneyri á vegum skólans ef ekkert annað kemur til.

 

Björn Þorsteinsson
rektor

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is