Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. apríl. 2015 02:00

Nýtt frumvarp kynnt um makrílveiðar

Búið er að leggja fram nýtt frumvarp til laga um stjórn veiða á makríl við Ísland. Það gerir Sigurður Ingi Jónsson sjávarútvegsráðherra og þingmaður Framsóknarflokksins. Sennilega mun fyrsta umræða um frumvarpið fara fram í næstu viku. Það fer svo til frekari umræðu og vinnslu hjá atvinnuveganefnd þingsins.

 

Samkvæmt frumvarpinu yrði makrílveiðum alfgerlega stjórnað með ákvörðunum og úhlutunum veiðikvóta. Enginn greinarmunur yrði þar gerður á veiðistjórn minnstu báta til stærstu skipa. Hlutdeild smábáta í leyfilegum heildarafla á makríl yrði fimm prósent. Stóru veiðiskipin fengju afganginn, það er 95 prósent.

 

„Tíðindin eru mikil vonbrigði fyrir trillukarla. Þeir rétt byrjaðir að hasla sér völl í veiðunum og búnir að kosta miklu til.  Efni frumvarpsins er langt frá því að komið sé til móts við kröfu LS um frjálsar makrílveiðar færabáta þar sem  viðurkennd aflahlutdeild yrði 18%. Það er því ljóst að mikil barátta er framundan hjá smábátaeigendum við að vinna kröfum sínum fylgis meðal alþingismanna,“ segir í frétt á vef Landssambands smábátaeigenda.

 

Síðustu sumarvertíð voru 121 smábátur við makrílveiðar. Þeir öfluðu all 7.466 tonna.

 

Helstu atriði frumvarpsins sem varða færabáta:

 

- Gildistími aflahlutdeildar er sex ár, en framlengist sjálfkrafa um eitt ár í senn hafi engar breytingar verið gerðar fyrir 1. janúar ár hvert.

 

- Aflahlutdeild báta sem stundað hafa færaveiðar á makríl skiptist á grundvelli aflareynslu þeirra á undanförnum 6 árum, 2009 - 2014.

 

- Við útreikning á aflahlutdeild er byggt á samanlögðum afla hvers og eins, þó þannig að afli áranna 2009 - 2012 er margfaldaður með 1,43.

 

- Framsal innan hópsins er heimilt - aflamark og aflahlutdeild.

 

Með því að smella hér má lesa frumvarpið á vef þingsins.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is