Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. apríl. 2015 02:09

Bátadagar á Breiðafirði verða í byrjun júlí

Félag áhugamanna um Bátasafn Breiðafjarðar á Reykhólum, í samvinnu við Báta- og hlunnindasýninguna á Reykhólum, stendur fyrir bátahátíð súðbyrtra trébáta á Breiðafirði í áttunda sinn þann 4. júlí í sumar. Eigendur trébáta eru hvattir til að mæta með báta sína. Ráðgert er að þátttakendur hittist á Reykhólum föstudaginn 3. júlí. Þann dag er flóð klukkan 20 og gott að sjósetja bátana við höfnina á Stað á Reykjanesi, þaðan sem lagt verður úr höfn klukkan 10 morguninn eftir. Um það leyti verður farið að falla út og þátttakendur hafa því fallið með sér. Siglt verður sem leið liggur að Skálmarnesi, svo að Svínanesi, því næst að Bæjarnesi, þá að Skálanesi og að síðustu aftur til hafnar á Stað.

 

 

Siglt verður undir stjórn manna sem þekkja vel til aðstæðna á Breiðafirði. Vert er að taka fram að sjávarföll og veður ráða mestu um siglingarnar og áætlun getur breyst ef aðstæður krefjast. Formaður hvers báts er ábyrgur fyrir því að nauðsynlegur öryggisbúnaður sé um borð. Allir súðbyrðingar eru boðnir velkomnir og áhugamenn um trébátasiglingar hvattir til að nýta sér þetta tækifæri.

Frekari upplýsingar um Bátadaga á Breiðafirði veita Harpa Eiríksdóttir í síma 894-1011 og á info@reykholar.is  og Sigurður Bergsveinsson í síma 893-9787 og á sberg@isholf.is.

 

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is