Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. apríl. 2015 06:01

Stórframkvæmd í hótelbyggingu í Grundarfirði tefst vegna skipulagsmála

„Ég er mjög ósáttur með þessa afgreiðslu Skipulagsstofnunar og held að hún geti hreinlega ekki staðist, hvorki gagnvart þessu sveitarfélagi né öðrum sem hafa áformað aðalskipulagsbreytingar,“ segir Gísli Ólafsson eigandi og hótelstjóri á Hótel Framnesi í Grundarfirði. Hann segir að áform sín um stækkun Hótel Framness séu nú búin að tefjast um ár vegna skipulagsmála og eftir afgreiðslu Skipulagsstofnunar nýlega sjái hann ekki fram á annað en hún frestist enn um sinn. „Mér sýnist að við séum búin að missa af því að vera tilbúin með stækkunina áður en vorvertíðin hefst 2016. Ég hef reyndar ekki fengið til mín afgreiðslu skipulags- og umhverfisnefndar sveitarfélagsins og er líka svolítið hissa á því að bæjarstjórn hafi ekki brugðist við afgreiðslu Skipulagsstofnunar,“ segir Gísli. Hann segir að um sé að ræða mannfreka framkvæmd upp á 240 milljónir króna en fyrirtækið ráðist ekki í hana þegar endar séu enn lausir varðandi skipulagsmálin.

Gísli segist hafa farið eftir ráðleggingum að sækja um breytingar á deiliskipulagi á grundvelli gildandi aðalskipulags. Fyrir liggi samþykki lóðahafa í nágrenninu um að sameina nærliggjandi lóð við lóð Hótel Framnes þar sem fyrirhugað er að viðbygging hótelsins rísi. Þar sé hugmyndin að bæta 17 herbergjum við þau 37 sem eru í hótelinu ásamt veitingasal og nýrri móttöku fyrir hótelið.

Skipulags- og umhverfisnefnd Grundarfjarðar frestaði á fundi sínum í byrjun mars afgreiðslu á deiliskipulagi vegna Hótel Framness vegna ábendingar Skipulagsstofnunnar sem lagði til að aðalskipulagsbreytingin og deiliskipulagið verði auglýst samhliða. Gísli segir að þarna sé Skipulagsstofnun að túlka og framfylgja nýjum lögum sem kveða á um að þegar búið sé að gera lýsingu að nýju aðalskipulagi sé ekki hægt að samþykkja breytingar á deiliskipulagi. Grundarfjarðarbær hafi gert lýsingu á nýju aðalskipulagi en síðan ekki haldið áfram með endurskoðun á skipulaginu. „Að mínu mati eru þessi lög til þess fallin að öll sveitarfélög geti lokast inni í tvö ár að gera breytingar á deiliskipulagi fari þau út í aðalskipulagsbreytingar. Ég er hissa á því að sveitarfélögin skuli ekki snúa sér til Sambands íslenskra sveitarfélaga að mótmæla þessari túlkun Skipulagsstofnunar á lögunum,“ segir Gísli. Að sögn Þorsteins Steinssonar bæjarstjóra hefur bæjarstjórn Grundarfjarðar unnið að lausn málsins undanfarið og mun gera það áfram í samráði við Skipulagsstofnun. Fullur vilji sé hjá bæjaryfirvöldum að finna fljótvirkustu lausn málsins.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is