Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. apríl. 2015 02:01

Veglega haldið upp á að fimmtíu ár eru frá fyrstu torfærunni

2. maí árið 1965 fór fram fyrsta keppni í torfæruakstri hér á landi. Fór hún fram í landi Reykjahlíðar í Mosfellsdal. Bifreiðaklúbbur Reykjavíkur (BKR) stóð fyrir keppninni og stóð Egill Gunnar Ingólfsson uppi sem sigurvegari á Willys CJ5 1964 móteli. Jóel Jóelsson garðyrkjumaður í Reykjahlíð veitti BKR leyfi fyrir keppninni á sinni landareign og mátti litlu muna að menn þyrftu að sæta fangelsisvistafyrir athæfið því slík keppni var með öllu bönnuð, að sögn lögreglu. Flugbjörgunarsveitin á Hellu er ein af elstu keppnishöldurum sem enn standa fyrir keppni í torfæruakstri. Því ætlar sveitin ásamt Torfæruklúbbi Suðurlands að halda upp á 50 ára afmæli torfærunnar 1.-2. maí næstkomandi á akstursíþróttasvæði sveitarinnar rétt austan Hellu.

 

 

Föstudaginn 1. maí hefst Sindratorfæran á Hellu klukkan 13:00 og þar er um að ræða 1. umferð Íslandsmótsins í torfæru. Eknar verða sex brautir og öllu til tjaldað. Um 20 keppendur eru skráðir til leiks og munu þeir etja kappi í ánni og mýrinni meðal annars.

 

Laugardaginn 2. maí hefst keppni klukkan 13:00 en þar er um að ræða 50 ára afmælissýningu þar sem nokkrir af helstu keppendum torfærusögunnar sýna að þeir hafa engu gleymt. Heyrst hefur að menn á borð við Ragnar Skúlason, Benedikt Eyjólfsson, Harald Pétursson, Gísla Gunnar Jónsson, Gunnar Pálma Pétursson, Árna Grant, Jamel Allansson, Einar Gunnlaugsson, Sigurður Þ. Jónsson, Árna Kópsson, Páll Pálsson, Bergþór Guðjónsson og fleiri ætli að mæta og sýna að þeir hafi engu gleymt! Að henni lokinni kl. 15:00 fer fram fleytingakeppni á ánni þar sem torfærubílar, sleðar og hjól munu etja kappi sem og reyna að slá hraðamet í vatnaakstri og fleira til. Aðgangseyrir er krónur 1500 hvorn dag eða 2500 fyrir báða dagana, frítt fyrir 12 ára og yngri.

 

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is