Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. apríl. 2015 09:01

Góð afkoma hjá Snæfellsbæ á síðasta ári

Þriðjudaginn 14. apríl var ársreikningur Snæfellsbæjar fyrir 2014 afgreiddur í bæjarráði til fyrri umræðu í bæjarstjórn. Samkvæmt reikningnum gekk rekstur Snæfellsbæjar vel á árinu og var rekstrarniðurstaðan nokkuð betri en áætlun gerði ráð fyrir. Rekstrarniðurstaða sveitarfélagsins samkvæmt samanteknum rekstrarreikningi A- og B hluta var jákvæð um 214 milljónir króna en samkvæmt fjárhagsáætlun var gert ráð fyrir jákvæðri afkomu upp á 77 milljónir króna. Rekstrarafkoman varð því töluvert betri en áætlun gerði ráð fyrir, eða sem nemur 137 milljónum króna.

Rekstrarniðurstaða A-hluta var jákvæð um 127,8 milljónir króna en fjárhagsáætlun gerði ráð fyrir jákvæðri afkomu upp á 34 milljónir. Afkoma A-hluta varð því betri sem nemur 82 milljónum. Eigið fé sveitarfélagsins í árslok nam 2.605 milljónum króna samkvæmt efnahagsreikningi en þar af nam eigið fé A-hluta 2.043 millj. króna.

Rekstrartekjur sveitarfélagsins á árinu námu um 1.907 milljónum króna samkvæmt samanteknum rekstrarreikningi fyrir A- og B hluta en fjárhagsáætlun gerði ráð fyrir rekstrartekjum um 1.800 milljónir króna. Rekstrartekjur A- hluta voru um 1.497 milljónir króna en fjárhagsáætlun gerði ráð fyrir rekstrartekjum um 1.418 milljónir króna. Laun og launatengd gjöld sveitarfélagsins námu um 907 milljónum króna en starfsmannafjöldi sveitarfélagsins nam 139 stöðugildum í árslok.

 

Snæfellsbær fjárfesti á árinu fyrir 318,9 milljónir í varanlegum rekstrarfjármunum og ný lán voru tekin að upphæð 59 milljónir. Greidd voru niður lán að fjárhæð 155,7 milljónir. Hlutfall reglulegra tekna af heildarskuldum og skuldbindingum er 86,35% í samanteknum ársreikningi en var 90,62 árið 2013. Samkvæmt sveitarstjórnarlögum á þetta hlutfall ekki að vera hærra en 150%. Veltufé frá rekstri var 200,5 milljónir króna og veltufjárhlutfall var 1,05. Handbært fé frá rekstri var 204,8 milljónir króna. Heildareignir bæjarsjóðs námu um 3.436 millj. króna og heildareignir sveitarfélagsins í samanteknum ársreikningi um 4.379 millj. króna í árslok 2014. Heildarskuldir bæjarsjóðs voru um 1.394 milljónir króna og í samanteknum ársreikningi um 1.774 milljónir króna, og lækkuðu þar með milli ára um 39 milljónir. Eiginfjárhlutfall er 59,44% á á árinu 2014 en var 57,44 árið áður.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is