Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. apríl. 2015 09:29

Samið um umtalsverðar bónushækkanir við HB Granda

Vilhjálmur Birgisson formaður Verkalýðsfélags Akraness og trúnaðarmenn HB Granda á Akranesi funduðu í gær með forstjóra HB Granda. Á fundinum var lagt fram tilboð frá stjórn VLFA um hækkun á bónuskerfi starfsmanna fyrirtækisins. Varð niðurstaðan sú að stjórnendur HB Granda gengu að því tilboði nánast óbreyttu. Þessi hækkun bónusgreiðslna er óháð hækkun almennra kauptaxta sem enn á eftir að semja um. Þessi hækkun bónusgreiðslna skilar starfsmönnum HB Granda frá 9% upp í 18% launahækkun, en launahækkunin miðast við að bónusinn taki mið af starfsaldurshækkunum. Má áætla að þessi launahækkun nái til allt að 250 starfsmanna í fiskvinnslu á Akranesi sem eru auk frystihúss HB Granda, Laugafiskur, Norðanfiskur og Vignir G. Jónsson. Auk þess mun þessi bónushækkun væntanlega einnig gilda fyrir öll önnur fiskvinnslufyrirtæki sem HB Granda á, eins og í Reykjavík og Vopnafirði.

 

 

Vilhjálmur Birgisson formaður VLFA segir að hér sé um umtalsverða kjarabót að ræða fyrir starfsmenn HB Granda, en ítrekar að hér sé einungis um breytingu á bónuskerfi starfsmanna að ræða. Samningurinn hafi ekkert með þær kjaraviðræður að gera sem félagið á í við Samtök atvinnulífsins. Þessar breytingar á bónuskerfinu sé því hrein viðbót við það sem um mun semjast á því samningsborði. „Verkalýðsfélag Akraness hefur ætíð gagnrýnt fyrirtæki harðlega þegar þau hafa ekki staðið sig sem skyldi en félagið er svo sannarlega tilbúið að fagna því sem vel er gert og í þessu tilfelli er full ástæða til að fagna því að fyrirtækið hafi verið tilbúið að deila góðri afkomu sinni með starfsmönnum með nokkuð myndarlegum hætti í formi hækkunar á bónuskerfinu,“ segir Vilhjálmur. Tafla um bónushækkanirnar má sjá inn á vef VLFA.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is