Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. apríl. 2015 11:17

Mest af makrílkvótanum færi til HB Granda

HB Grandi yrði það einstaka sjávarútvegsfyrirtæki sem fengi stærstan hluta makrílkvótans. Það fengi 14,2% af makrílnum ef honum verður úthlutað í samræmi við það frumvarp um skiptingu sem sjávarútvegsráðherra hefur lagt fram verður að veruleika. Samherji yrði í öðru sæti með 12,7% og Ísfélag Vestmannaeyja í því þriðja með 11,9%. Fimm hæstu útgerðirnar eru alls með um 57% kvótans. Þetta er meðal niðurstaðna útreikninga sem Fiskifréttir hafa birt og byggja á frumvarpi ráðherrans. Það gerir ráð fyrir að byggt verði á veiðireynslu áranna 2011 til 2014 við skiptingu kvótans til stóru skipanna.

 

 

Fjórðungur af smábátakvóta á Vesturland

Frumvarp ráðherrans gerir einnig ráð fyrir því að kvóta verði skipt á smábáta. Í þeirra tilviki er þó miðað við aflareynslu áranna 2009 til 2014. Makrílbátar sem stunduðu veiðar 2009 til 2012 fá auk þess 43% reiknuð ofan á veiðireynsluna til viðbótar. Hugsunin á bak við það er sú að með því sé verið að bæta þeim upp frumkvöðlastarf við veiðarnar þar sem menn voru að læra veiðitæknina og komast upp á lag með að fanga makrílinn. Fiskifréttir birta lista yfir 20 hæstu makrílbátana á tímabilinu með útreikningum á því hvað þeir hefðu fengið með álaginu þar sem það á við. Í ljós kemur að helmingur þessara báta er frá Vesturlandi. Það þarf ekki að koma á óvart í ljósi þess að margir makrílbátar hafa verið gerðir út frá Akranesi og Snæfellsnesi auk þess sem vel hefur oft veiðst bæði í Faxaflóa og Breiðafirði. Tíu efstu bátar á Vesturlandi fengju alls 24,7% makrílkvóta smábátanna í sinn hlut verði frumvarp sjávarútvegsráðherra að veruleika.

 

Hlutdeild hæstu smábáta af Vesturlandi í makrílkvóta:

 

Sæhamar SH 233 3,7%

Brynja II SH 237 2,8%

Álfur SH 414 3,1%

Litli Hamar SH 222 2,6%

Særif SH 25 2,3%

Ísak AK 67 2,1%

Ingibjörg SH 174 2,3%

Tryggvi Eðvarðs SH 2 1,9%

Mangi á Búðum SH 85 2,1%

Fjóla SH 7 1,8%.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is