Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. apríl. 2015 03:49

Fullt hús á Kolsstöðum þegar fjallað var um Húsafell málaranna

Gamla fjárhúsið á menningarsetrinu að Kolsstöðum í Hvítársíðu var fullsetið fólki kvöld eitt í síðustu viku þegar Jón Proppé heimspekingur flutti erindi sitt um listmálarana sem heimsóttu Húsafell og nágrenni á fyrri hluta síðustu aldar. Alls lögðu um 70 manns leið sína að Kolsstöðum til að hlýða á fyrirlestur Jóns.

 

Í hópi brautryðjendanna sem komu að Húsafelli til að sinna list sinni voru málarar á borð við Ásgrím Jónsson, Jón Stefánsson, Guðmund Thorsteinsson (Mugg) og Júlíönu Sveinsdóttur. Ásgrímur kom fyrst í Húsafell fyrir hundrað árum, sumarið 1915, og dvaldi fjölmörg sumur eftir það í Húsafelli þar sem hann varð nánast einn af heimilisfólkinu. Frá Húsafelli eru mörg þekktustu verk Ásmundar. Málverk hans þaðan höfðu mikil áhrif og margir listamenn áttu síðar eftir að leggja leið sína í Borgarfjörð og að Húsafelli til að reyna að fanga stórbrotna náttúruna í verk sín. Fáir staðir á Íslandi hafa orðið íslenskum málurum jafn oft að viðfangsefni þegar landslagsmyndir eru annars vegar nema kannski að Þingvöllum undanskildum. Íslensk listasaga ber þessa glöggt merki.

 

Jón Proppé rakti í fyrirlestri sínum sögu þessara málara í skemmtilegri og mjög svo áhugaverðri frásögn þar sem hann sýndi dæmi um verk þeirra. Jón Proppé hefur fjallað mikið um íslenska myndlist, ekki síst í skrifum sínum. Hann er einn höfunda Íslenskrar listasögu og hefur sett upp fjölda listsýninga á Íslandi og erlendis.

 

Fjörugar umræður sköpuðust að loknu erindi hans á Kolsstöðum og greinilegt að mjög mikill áhugi er á sögu málaranna í Húsafelli. Meðal annars kom upp sú hugmynd að efnt yrði til listsýningar sem gæfi hugmynd um þá merku og fjölbreyttu listsköpun sem átt hefur sér stað í Húsafelli og nágrenni. Fyrirlesturinn var á vegum Snorrastofu í samvinnu við SÖGU Jarðvang.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is