Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. maí. 2015 03:08

Myndlistarsýningin Óskasteinar í Guðnýjarstofu

Erna Hafnes bæjarlistamaður Akraness opnaði myndlistarsýninguna Óskasteina í Guðnýjarstofu, Safnasvæðinu á Akranesi í dag. Þetta er þriðja myndlistarsýningin en jafnframt sú stærsta sem Erna heldur sem bæjarlistamaður Akraness. Á sýningunni eru málverk eftir Ernu sem hún hefur unnið undanfarið ár en með henni sýna nemendur úr 4. bekk Brekkubæjarskóla myndir sem þeir hafa málað undir hennar leiðsögn. Hanna Þóra Guðbrandsdóttir sópransöngkona og Samúel Þorsteinsson tónlistarkennari komu fram við opnun sýningarinnar.

 

 

„Hugmyndin að Óskasteinum er sú að hver og einn á sér sínar óskir, hvort sem þær eru manneskjur, hlutir, tilfinningar eða það sem gefur lífinu tilgang. Við teljum að það sé nauðsynlegt að eiga sér óskir og jafnframt að njóta leiðarinnar að því að láta óskina rætast eins og njóta hennar þegar komið er á leiðarenda. Það var einstakt að fá að vinna með krökkunum, hver og einn vann verkið sitt á sinn hátt með mikilli gleði, jákvæðni og sköpun í fyrirrúmi“ sagði Erna Hafnes.

 

Verk Ernu á sýningunni eru öll unnin í olíu á striga og að miklu leyti unnin með spaða. Krakkarnir unnu flestir sín verk með akrílmálningu á striga og notuðu pensla, tuskur og fingurna. Þeir sem koma á sýninguna eru hvattir til þess að horfa vel og lengi á málverkin og finna hjá sér hvaða tilfinning kviknar, frekar en að flokka myndefnið. Sýningin stendur til 31. maí og er opin alla daga kl. 13-17.

 

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is