Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. maí. 2015 06:01

Fláningsbekkur, kornskófla og flokkunarhlið á opnu húsi

Á morgun, þriðjudaginn 5. maí, verður opið hús hjá nemendum í búsmíðaáfanga búfræðibautar Landbúnaðarháskóla Íslands á Hvanneyri. Gefst þá gestum kostur á að skoða það sem nemendur hafa verið að hanna og smíða. „Nemendur bjóða öllum sem áhuga hafa að koma og skoða smíðisgripina á milli klukkan 14.00 og 15.30. Heitt verður á könnunni,“ segir í tilkynningu.

 

Á vorönn er annars árs nemum í búfræði gefinn kostur á því að taka valáfanga í búsmíði sem kenndur er í Bútæknihúsinu á Hvanneyri. Í áfanganum nýta nemendur þekkingu sína úr málmsmíði, sem einnig er kennd í búfræði, við smíði á nytjahlutum úr málmi sem nýst geta við landbúnaðarstörf. Kennslan fer eingöngu fram sem verklegar æfingar í málmsmíðum og meðferð ýmissa tækja. Nemendur hanna og smíða hluti í samstarfi við kennara og taka svo smíðisgripinn heim með sér að námi loknu. Markmið áfangans er að nemendur öðlist færni í nýsmíðum og viðgerðum sem sannarlega geta komið að gagni í almennum búrekstri. Hugmyndafluginu var gefinn laus taumur og eru gripirnir jafn ólíkir og þeir eru margir. Meðal annars hafa í vetur verið smíðaðir gripir á borð við fláningsbekk, sérlega skóflu til að gefa korn og flokkunarhlið fyrir sauðfé. Í vor sátu 13 nemendur áfangann og hafa þeir unnið hörðum höndum að því að smíða ýmis áhöld á önninni og notið til þess tilsagnar frá kennara sínum, Hauki Þórðarsyni.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is