Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. maí. 2015 10:13

Jafntefli á Akranesvelli

ÍA mætti lærisveinum Ólafs Þórðarsonar í Víkingi R. á Akranesvelli fyrr í kvöld. Aðstæður til knattspyrnuiðkunar voru ekki þær bestu, kalt og nokkuð hvass hliðarvindur en völlurinn leit vel út. Leikurinn fór rólega af stað þar sem bæði lið þreifuðu fyrir sér. Víkingar komust yfir á 17. mínútu þegar Haukur Baldvinsson fékk knöttinn í vítateig Skagamanna, kom skoti að marki sem fór af varnarmanni og í netið. Víkingar voru beittari fyrstu mínúturnar þar á eftir en leikurinn opnaðist eftir sem leið á hálfleikinn. Bæði lið áttu skot í þverslá, Skagamenn úr aukaspyrnu Jóns Vilhelms Ákasonar og Víkingar eftir skyndisókn. Á 42. mínútu átti Jón Vilhelm svo fyrirgjöf frá hægri sem féll fyrir fætur Garðars Gunnlaugssonar. Hann lagði boltann fyrir sig og smellti honum í nærhornið úr vítateignum. Staðan 1-1 í hálfleik, nokkuð sanngjarnt þrátt fyrir að Víkingar hafi ef til vill verið ögn sterkari. 

 

Í síðari hálfleik var annar bragur á sóknarleik Skagamanna, leikurinn opnari og bæði lið sóttu. Skagamenn sköpuðu sér nokkur ákjósanleg marktækifæri, flest eftir laglegt kantspil og voru nálægt því að koma boltanum í netið en allt kom fyrir ekki. Tvisvar sinnum á skömmum tíma björguðu leikmenn Víkings á marklínu og þrátt fyrir mörg tækifæri vantaði herslumuninn.

Á 85. mínútu fékk Agnar Darri Sverrisson sendingu inn fyrir vörn Skagamanna, var kominn í dauðafæri og gat stolið sigrinum en Árni Snær varði stórvel í markinu. Víkingar komu reyndar boltanum í netið í uppbótartíma en mark Igors Taskovic var dæmt af vegna brots á Árna Snæ í marki Skagamanna. Stuðningsmenn Víkings voru ekki par sáttir með Guðmund Ársæl Guðmundsson dómara en þar við sat. Niðurstaðan 1-1 jafntefli á Akranesvelli.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is