Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. maí. 2015 06:30

ÍA - Breiðablik í beinni

Komiði sæl og velkomin í beina textalýsingu frá Akranesvelli þar sem ÍA tekur á móti Breiðabliki í fimmtu umferð Íslandsmóts karla í knattspyrnu kl. 19:15 í dag. Lýsingin verður hér að neðan og fréttin verður uppfærð eftir atvikum á meðan leik stendur.

 

 

Lesendum er bent á að nauðsynlegt er að ýta á "refresh" hnappinn í vafranum því fréttin uppfærir sig ekki sjálfkrafa.

 

94. mín. Leik lokið! Þóroddur lítur á klukku sína, dregur djúpt andann og flautar leikinn af. Lokatölur á Akranesvelli, 0-1 Breiðabliki í vil.

 

93. mín. Höskuldur gefur boltann fyrir eftir samleik uppi í vinstra horninu. Ismar Tandir tekur hann í fyrsta en skýtur í hliðarnetið.

 

92. mín. Blikar leika sín í milli og láta tímann líða. Leikurinn er að renna út í sandinn.

 

89. mín. Skipting. Blikar gera síðustu skiptingu sína. Ellert Hreinsson fer af velli og inn á kemur Ismar Tandir.

 

88. mín. Blikar fá skyndisókn strax í kjölfarið, Kristinn Jónsson sendir boltann fyrir en Arnþór Ari skýtur yfir markið úr góðu færi.

 

87. mín. Skagamenn eiga aukaspyrnu úti á vinstri kanti eftir að brotið var á Ásgeiri Marteins. Arsenij tekur spyrnuna. Arsenij sendir boltann fyrir en Blikar skalla frá.

 

85. Darren Lough á sendingu fyrir mark Blika en þeir ná að hreinsa boltann frá.

 

84. mín. Árni Snær kemur vel út úr markinu og kastar sér á stungusendingu Blika áður en sóknarmaður nær til knattarins.

 

79. mín. Skipting. Skagamenn gera tvöfalda skiptingu. Eggert Kári Karlsson og Ásgeir Marteinsson koma inn á í stað Jóns Vilhelms og Garðars, sem meiddist nokkrum mínútum áður.

 

79. mín. Ellert Hreinsson sendi boltann á Atla Sigurjónsson sem skaut að marki hægra megin í vítateignum en skokt hans rétt framhjá.

 

74. mín. Skipting.Blikar gera sína fyrstu breytingu. Guðjón Pétur Lýðsson yfirgefur völlinn og inn á hans stað kemur Atli Sigurjónsson.

 

70. mín. Ellert Hreinsson við það að komast í gegn en Ármann gerir virkilega vel í vörn Skagamanna og stígur hann út.

 

68. mín. MARK! Blikar skora. Guðjón Pétur Lýðsson sendi laglega, lága sendingu inn í teiginn sem Ellert Hreinsson lét fara. Þar kom á ferðinni Arnþór Ari Atlason sem lagði boltann í hornið, óverjandi fyrir Árna Snæ í markinu. Blikar hafa náð forystu, 0-1.

 

67. mín. Skipting! Skagamenn gera breytingu. Af velli fer Marko Andelkovic og inn á í hans stað kemur Ingimar Elí Hlynsson

 

66. mín. Blikar sækja upp vinstri kantinn, Kristinn leikur á varnarmann og leggur boltann út í teiginn, boltinn lagður lengra út en varnarmúr Skagamanna þéttur og skotið nær ekki á markið.

 

60. mín. Kristinn Jónsson fékk boltann úti við vinstra vítateigshornið. Náði góðu skoti sem skreið framhjá fjærstöng Skagmanna.

 

57. mín. Ellert Hreinsson á skot að marki Skagamanna eftir sendingu Kristins Jónssonar en Darren hendir sér fyrir boltann. Eftir að hann hrökk út á völlinn varð úr að Blikar fá aukaspyrnu úti á velli, hægra megin.

 

54. mín. Kristinn Jónsson sendir lágan bolta fyrir sem Arnþór Ari Atlason beinir að marki en skotið laust og auðvelt viðureignar fyrir Árna Snæ í markinu.

 

53. mín. Albert Hafsteinsson á skot að marki Blika af um 20m færi en yfir.

 

53. mín. Marko Andelkovic tekur aukaspyrnu rétt við miðjubogann, finnur Garðar í fætur en hann nær ekki að snúa og koma skoti á markið.

 

49. mín. Gult spjald. Marko Andelkovic fær fyrsta spjald leiksins eftir að hafa rifið leikmann Blika niður úti á vinstri kanti.

 

46. mín. Síðari hálfleikur er hafinn.

 

 

45. mín. Hálfleikur! Leikurinn hefur ekki verið neitt sérlega fjörugur það sem af er.

 

Þráðlausa netið datt út hér í blaðamannastúkunni í nokkrar mínútur. Það kom ekki að sök. Það er heitt á könnunni.

 

36. mín. Kristinn Jónsson fær boltann inn fyrir vörn Skagamanna vinstra megin í teignum en Árni Snær kemur út úr markinu og lokar vel.

 

32. Jón Vilhelm með hörkuskot af vítateigsjaðrinum en beint í varnarmann. Kinnhestur.

 

28, mín. Blikar við það að sleppa í gegn en Gylfi Veigar gerir vel og bjargar málunum.

 

26. mín. Þórður Þorsteinn kemst upp hægri kantinn eftir laglegan samleik við Garðar Gunnlaugsson, reynir a ðfinna Arsenij sem var aleinn í teignum en varnarmaður Blika kemst inn í sendinguna.

 

25. mín. Blikar eiga skot að marki frá vítateigsjaðrinum eftir laglega sókn en boltinn af varnarmanni Skagamanna og yfir.

 

19. mín. Jón Vilhelm átti frábæra sendingu fram á Arsenij sem tók hann niður og beið eftir samherjum sínum. Þeir komu aðvífandi og Skagamenn hefðu getað verið þrír á tvo en einhver misskilningur manna á milli og sending Arsenij fann ekki samherja.

 

18, mínúta. Það er fátt að gerast í leiknum núna. Bæði lið þreifa fyrir sér.

 

12. mín. Mark dæmt af vegna rangstöðu. Darren Lough sendir inn fyrir á Arsenij í teignum sem setur boltann laglega í fjærhornið en línuvörður lyfti flaggi sínu. Rangstaða dæmd. 

 

11. mín. Þórður Þorsteinn á sendingu fyrir markið á kollinn á Garðari, erfiður bolti sem Gunnleifur grípur auðveldlega í fánalitunum.

 

9. mín. Blikar hafa aðeins ógnað með ágætum hlaupum inn fyrir vörn Skagamanna en enn sem komið er hafa Skagamenn átt svör við þeim aðgerðum.

 

Fyrir áhugasama má benda á að Gunnleifur Gunnleifsson, markvörður Breiðabliks, klæðist markmannstreyju sem minnir helst á fána Kosta Ríka. Hin huggulegasta treyja.

 

4. mín. Arsenij á hættulega sendingu inn í teig sem Blikar koma í burtu.

 

3. mín. Blikar voru komnir þrír á tvo en tókst ekki að skapa sér færi þar sem Ármann Smári komst inn í sendingu.

 

1. mín. Flauta Þórodds gellur, leikurinn er hafinn!

 

Liðin ganga út á völl, það er stutt í að leikur hefjist.

 

Blaðamaður gleymdi að raportera að áhorfendur eru farnir að streyma á völlinn. Hann á stundum erfitt með að rita með munninn fullann af vínarbrauði.

 

Kaffið er komið! Nú er glatt á hjalla í blaðamannastúkunni.

 

Aðstæður til knattspyrnuiðkunar verða að teljast prýðilegar nú þegar hálftíma vantar í að leikur hefjist. Völlurinn lítur ljómandi vel út. Það blæs hægum en vinalegum vindi af Faxaflóanum en völlurinn nýtur að stórum hluta skjóls af stúkunni. Það er ekki heitt. 

 

 

Byrjunarlið Skagamanna er þannig skipað:

 

12. Árni Snær Ólafsson (m)

4. Arnór Snær Guðmundsson

5. Ármann Smári Björnsson

9. Garðar Bergmann Gunnlaugsson

10. Jón Vilhelm Ákason

13. Arsenij Buinickij

16. Þórður Þorsteinn Þórðarson

18. Albert Hafsteinsson

20. Gylfi Veigar Gylfason

27. Darren Lough

31. Marko Andelkovic

 

Byrjunarlið gestanna er eftirfarandi:

 

1. Gunnleifur Vignir Gunnleifsson (m)

3. Oliver Sigurjónsson

4. Damir Muminovic

5. Elfar Freyr Helgason

7. Höskuldur Gunnlaugsson

8. Arnþór Ari Atlason

10. Guðjón Pétur Lýðsson

22. Ellert Hreinsson

23. Kristinn Jónsson

29. Arnór Sveinn Aðalsteinsson

30. Andri Rafn Yeoman

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is