Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. maí. 2015 04:01

Vorkvöld í Reykholtsdal í minningu Jónasar og Guðrúnar

Borgfirðingar minnast Jónasar Árnasonar (1923-1998), kennarans, skáldsins og alþingismannsins með kvöldstund í Logalandi á afmælisdegi hans á morgun, fimmtudaginn 28. maí kl. 21. Þar verður litið yfir farinn veg hans og þeirra hjóna beggja, Jónasar og Guðrúnar (1923-1997), en þau bjuggu lengi í Reykholtsdal. Minning Jónasar Árnasonar hlýtur fyrst og fremst að litast af því, hve marga strengi mannlífsins hann snerti og hve samstíga þau hjón voru í öllum verkefnum, sem fyrir þau lögðust. Í Reykholtsdal er Jónasar fyrst og fremst minnst sem kennara við Héraðsskólann í Reykholti, rithöfundar, alþingismanns og fyrir þátttöku í leikstarfi Ungmennafélags Reykdæla.

 

 

Til þess að kvöldstundin verði sem ánægjulegust hafa Snorrastofa, Ungmennafélag Reykdæla og Tónlistarfélag Borgarfjarðar sameinað krafta sína með tilstyrk Menningarráðs Vesturlands og kennir margra grasa í dagskránni.

 

Dagskrá:

Um Jónas, ávarp og hugleiðingar forseta Íslands, herra Ólafs Ragnars Grímssonar.

Úr foreldrahúsum. Börn Jónasar og Guðrúnar segja frá og taka lagið með gestum.

Stóri maðurinn Jónas Árnason, frá sjónarhóli barns. Árni Páll Árnason alþingismaður.

Aridú… Lög við ljóð Jónasar. Guðríður Ringsted syngur. Gunnar Ringsted leikur á gítar, Birgir Baldursson á trommur, Jakob Frímann Magnússon á píanó og Jón Rafnsson á bassa. Jón Árnason barnabarn leikur einleik á gítar.

Dagskrárstjóri verður sr. Geir Waage.

 

Ungmennafélag Reykdæla, sem minnist margra góðra stunda með Jónasi í leikstarfi, býður fram félagsheimili sitt og sér um veitingar í kaffihléi. Þær kosta kr. 500. „Snorrastofu er heiður að því að bjóða til slíkrar stundar í svo gefandi samstarfi og hlakkar til líflegs vorkvölds í Reykholtsdal undir merkjum menningar og mannlífs, sem alla tíð einkenndu hjónin á Kópareykjum,“ segir í tilkynningu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is