Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. maí. 2015 08:01

Gríðarsterk staða hjá HB Granda í uppgjöri fyrir fyrsta ársfjórðung

Tekjur HB Granda á fyrsta ársfjórðungi þessa árs námu 8 milljörðum króna. Hagnaður fyrir vexti, skatta og afskriftir nam 3,2 milljörðum króna og hagnaður nam 2,1 milljarði króna. Eignir eru samtals 57,7 milljarðar, skuldir 23,4 milljarðar og eigið fé 34,3 milljarðar. HB Grandi gerir bókhald sitt upp í evrum. Góð rekstrarniðurstaða á fyrsta ársfjórðungi skýrist að mestu á því að loðnuvertíð heppnaðist vel þrátt fyrri afleitar gæftir þar sem tókst að koma ná miklum verðmætum úr loðnuaflanum.

 

 

 

Rekstur fyrstu þriggja mánaða ársins 2015

Rekstrartekjur HB Granda hf. á fyrsta ársfjórðungi ársins 2015 námu 53,3 milljónum evra, samanborið við 41,9 milljón árið áður. EBITDA var 21,4 milljón evra eða 40,1% af rekstrartekjum, en var 9,2 m.evra eða 21,8% árið áður. Hækkun tekna og EBITDA skýrist að mestu vegna betri loðnuvertíðar, en móttekinn loðnuafli til vinnslu nam 67,9 þús. tonnum, samanborið við 21,7 þús. tonn árið áður. Áhrif fjáreignatekna og fjármagnsgjalda voru jákvæð um hálfa milljón evra, en voru neikvæð um 0,7 milljón á sama tíma árið áður. Áhrif hlutdeildarfélaga voru neikvæð um eina milljón evra, en voru jákvæð um 1,1 milljón evra árið áður. Hagnaður fyrir tekjuskatt var 17,5 milljón evra og hagnaður tímabilsins var 13,8 milljón.

 

Séu niðurstöður rekstrarreiknings reiknaðar til íslenskra króna á meðalgengi fyrsta ársfjórðungs 2015 (1 evra = 149,9 kr) verða tekjur 8 milljarðar króna, EBITDA 3,2 milljarður og hagnaður 2,1 milljarðar.

 

Efnahagur

Heildareignir félagsins námu 393,2 milljón evra í lok mars 2015. Þar af voru fastafjármunir 300,1 millj. evra og veltufjármunir 93,1 milljón. Eigið fé nam 233,6 milljón evra, eiginfjárhlutfall í lok mars var 59,4%, en var 59,7% í lok árs 2014. Heildarskuldir félagsins voru í marslok 159,6 m€. Séu niðurstöður efnahagsreiknings reiknaðar til íslenskra króna á gengi 31. mars 2015 (1 evra = 146,84 kr) verða eignir samtals 57,7 milljarðar króna, skuldir 23,4 milljarðar og eigið fé 34,3 milljarðar.

 

Afli og hræringar á skipastól

Skipafloti félagsins var óbreyttur á tímabilinu en miklar breytingar með endurnýjun eru framundan á honum. Þann 19. maí 2015 voru uppsjávarskipin Ingunn AK 150 og Faxi RE 9 seld til Vinnslustöðvarinnar hf. ásamt 0,6763% aflahlutdeild í loðnu. Nam heildarsamningsverðið 2.150 millj. króna. Þann 20. maí var gengið frá sölu togaranum Juni (áður Venus HF 519) til Enoksen Seafood AS á Grænlandi. Nam söluverðið 12,2 millj. danskra króna. Samningarnir eru gerðir með fyrirvörum um samþykki stjórna og ástandsskoðun skipanna. Þann 24. maí kom Venus NS 150 nýtt uppsjávarveiðiskip félagsins til landsins. Skipið er farið í til kolmunnaveiða. Í haust bætist svo uppsjávarskipið Víkingur AK nýtt í flota HB Granda. Auk þessa er fyrirtækið að láta smíða fyrir sig þrjá ísfisktogara í Tyrklandi sem afhentir verða á næsta ári og því þarnæsta.

 

Á fyrsta ársfjórðungi ársins 2015 var afli skipa félagsins 11,5 þúsund tonn af botnfiski og 57,6 þúsund tonn af uppsjávarfiski. HB Grandi er með starfsemi á Akranesi, í Reykjavík og á Vopnafirði.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is