Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. júlí. 2015 11:50

Spölur segir fulla þörf á vegslám við Hvalfjarðargöng

Spölur lét setja upp vegslár á ytri akreinum sem ætlaðar eru áskrifendum veggjalda við gjaldskýli Hvalfjarðarganga fyrr í sumar. Að sögn Marinós Tryggvasonar öryggisfulltrúa Spalar er slánum fyrst og fremst ætlað að draga úr ökuhraða um gjaldhliðið. „Það hefur sýnt sig að það er full þörf á þessu. Þetta var fyrst og fremst hugsað til að ná niður hraðanum og það hefur gengið eftir.“ Blikkandi ljós eru á slánum, þannig að þær eru vel sýnilegar áður en að þeim er komið. Engu að síður hafa þær verið keyrðar niður nokkrum sinnum á þeim mánuði sem þær hafa verið í notkun.

 

 

„Það hefur verið keyrt á þær fjórum sinnum, tvisvar hvorum megin. Slárnar virka hjá öllum sem eru með veglykil nema þegar rauða ljósið kemur upp. Þá getur fólk komið í lúguna og hægt er að opna hliðið handvirkt.“ Marinó segir að einnig hafi slárnar stöðvað för ökumanna sem ekki hafa greitt veggjaldið eða verið á rangri akrein. Vegslár af þessu tagi eru við gjaldhlið í vegakerfinu víða um heim og eru því erlendum vegfarendum vel kunnugar. Marinó segir að algengt hafi verið að vegfarendur hafi ekið í gegnum hliðið án þess að greiða fyrir, með tilheyrandi kostnaði og óþægindum fyrir Spöl. Þetta hafi ekki síst fylgt fjölgun erlendra ferðamanna á þjóðvegum landsins. „Flestir ferðamennirnir eru vanir því að samskonar slár séu í gjaldhliðum í vegakerfinu. Þeir þekkja því ekkert annað en hlið og keyrðu bara í gegn í góðri trú án þess að borga.“

 

Á vefsíðu Spalar er sagt frá því að rétt sé að halda góðu bili milli bíla sem fara um gjaldhliðið, til að slárnar lyftist og falli eins og til er ætlast án þess að ökumenn eigi á hættu að aka á þær. Þar er einnig sagt frá því að það liggi fyrir að á mestu álagstímum ársins í umferð um Hvalfjarðargöng verði starfsmenn Spalar utandyra, líkt og verið hefur, að innheimta veggjaldið til að flýta fyrir umferð. Á þessum tímum verði slárnar við gjaldskýlið ekki í notkun. Þetta á við um helgar í júní, júlí, fyrrihluta ágústmánaðar auk hvítasunnu- og páskahelganna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is