Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júlí. 2015 10:35

Segja brýnt að endurskoða stuðningskerfi landbúnaðar

Hópur nemenda við Háskólann á Bifröst hefur skilað af sér misserisverkefni þar sem skoðuð voru áhrif núverandi stuðningskerfis ríkisins við landbúnað á íslenskt samfélag. Verkefnið hlaut verðlaun sem besta misserisverkefnið. Í tilkynningu frá Háskólanum á Bifröst segir m.a: „Framkvæmd verkefnisins er yfirgripsmikil hagsmunaaðilagreining með fjórtán viðtölum við sextán aðila sem draga vel fram þau ólíku sjónarmið sem tengjast viðfangsefninu. Staða neytandans er útskýrð þar sem hann er að einhverju leyti fórnarlamb sérhagsmuna. Niðurstöður benda á þörf fyrir breytingar, byggt á upplýstri og málefnalegri umræðu á jafnari grundvelli um kosti frjálsra viðskipta, opinbers stuðningskerfis í landbúnaði og sjónarmiða um gæði, fæðuöryggi og sjúkdómavarnir. Rannsóknin leiddi í ljós að núverandi fyrirkomulag kemur niður á neytendum í formi hærra vöruverðs og takmarkaðs vöruúrvals. Óhagkvæmum framleiðendum sem annars yrðu undir í náttúrulegri samkeppni er gert kleift að halda áfram rekstri í skjóli stuðningsins, en slíkt dregur úr meðalskilvirkni atvinnugreinanna. Einnig dregur stuðningurinn úr hvata framleiðenda til hagræðingar, vöruþróunar og nýsköpunar, ólíkt því sem tíðkast á frjálsum markaði. Stuðningurinn verndar þó ákveðin störf á landsbyggðinni og helst þannig í hendur við byggðastefnu stjórnvalda.“

 

Þá segir að stuðningi ríkisins til landbúnaðar megi skipta í tvo meginflokka; beinar greiðslur til framleiðenda annarsvegar og tollvernd í formi verðtolls og magnkvóta hinsvegar. Í greinargerðinni er lögð áhersla á að framleiðslutengdar beingreiðslur verði teknar til endurskoðunar með því hugarfari að flytja hluta þeirra yfir í óframleiðslutengda styrki. Einnig sé vert að taka til skoðunar lækkun innflutningstolla á landbúnaðarvörum þar sem innlend framleiðsla ýmist annar ekki eftirspurn eða varan hreinlega ekki framleidd hér á landi. Þannig megi stuðla að heilbrigðari samkeppni, lægra vöruverði, fjölbreyttara vöruúrvali og auknum heildarábata samfélagsins.

 

Eitt af markmiðum verkefnisins var að kanna hvernig ólík sjónarmið þeirra hagsmunaaðila sem hafa tekið virkan þátt í umræðunni á opinberum vettvangi síðastliðin misseri samræmast velferð neytenda. Í fjölmiðlum hefur töluvert borið á verslunarmönnum, innflytjendum, talsmönnum bænda og opinberum starfsmönnum sem rökræða ólíkar hliðar málsins; en mun sjaldnar heyrist frá talsmönnum neytenda. Mögulega er því um vannýtt tækifæri að ræða þar sem rödd neytandans gæti haft meira vægi í umræðunni. Þeir aðilar sem hafa talað hvað hæst fyrir hagsmunum neytenda á opinberum vettvangi eru að mati hópsins ekki best til þess fallnir.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is