Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júlí. 2015 07:12

Pamela Anderson skrifar Vladimir Pútín bréf vegna kjöts úr Hvalfirði

Bandaríska leikkonan Pamela Anderson hefur skrifað persónulegt sendibréf til Pútins forseta Rússlands. Í því biður hún Pútin um að grípa til aðgerða. Hún vill að hann komi í veg fyrir að hvalkjötsfarmur Hvals hf., sem nú er um borð í flutningaskipinu Winter Bay í Tromsö í Norður Noregi, komist með aðstoð Rússa um siglingaleiðina norðan Rússlands áleiðs til markaða í Japan. 

 

Winter Bay sigldi frá Hafnarfirði fyrir réttum mánuði síðan, að því að talið er með um 1.700 tonn af frystu langreyðakjöti um borð, og hélt til Tromsö. Síðan hefur skipið legið þar við bryggju. Skipið Sam Simon sem er gert út af Sea Shepherd birtist þar 29. júní síðastliðinn að því er virðist til að vekja athygli á því að hvalkjötsfarmurinn væri um borð í Winter Bay. Eftir stutt stopp í Tromsö hélt Sam Simon á brott. Sea Shepherd hafði þá í heitingum að samtökin ætluðu að koma í veg fyrir að hvalkjötið kæmist áfram til Tromsö. Sam Simon lónaði í tvo sólarhringa úti á opnu hafi norður af Tromsö eins og skipið sæti þar fyrir Winter Bay. Þess var vandlega gætt af skipum norsku strandgæslunnar. Um liðna helgi sigldi Sam Simon síðan til Færeyja þar sem skipið er nú. Sea Shepherd er nú með tvö skip og hóp fólks í Færeyjum til að mótmæla grindhvalaveiðunum þar.

 

Pamela Anderson styður Sea Shepherd. Sumarið 2014 heimsótti hún Danmörku og Færeyjar til að andmæla grindhvalaveiðum Færeyinga. Nú er hún svo byrjuð að beita sér gegn langreyðarkjötinu frá Hvalfirði. Með því að smella hér má lesa bréf hennar til Vladimir Pútíns.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is