Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. júlí. 2015 03:41

Skín í rauða skotthúfu...

Þjóðbúningahátíðin Skotthúfan verður haldin í Stykkishólmi í ellefta sinn helgina 17. - 19. júlí næstkomandi. Aðstandendur Byggðasafns Snæfellinga og Hnappdæla, Norska hússins í Stykkishólmi brydduðu upp á þeirri nýjung fyrir tíu árum að hvetja fólk sem átti þjóðbúninga í fórum sínum að klæða sig upp og þiggja kaffiveitingar í sínu fínasta pússi. Þegar í upphafi skapaðist góð stemning kringum viðburðinn og gestir komu víða að uppábúnir. Í tímans rás hefur viðburðurinn vaxið og í fyrra var honum í fyrsta sinn gefið nafnið Skotthúfan og lögð undir hann heil helgi. Þá var haldin skotthúfukeppni sem verður einnig haldin í ár.

 

 

Fleiri hafa komið að undirbúningi hátíðarinnar á undanförnum árum en Norska húsið er nokkurs konar miðstöð hátíðarinnar auk þess sem Vinnustofan Tang & Riis og Gamla kirkjan í Stykkishólmi taka þátt og bjóða upp á viðburði.

 

Hátíðin hefst á tónleikum í gömlu kirkjunni í Stykkishólmi 17. júlí klukkan 20. Þar munu Hugi Jónsson söngvari og Kári Allansson organisti flytja tónlist af nýútkomnum diski sínum Kvöldbæn. Sérstakur gestur þeirra verður Pétur Húni Björnsson tenór, kvæðamaður og þjóðfræðingur.

Í ár kemur Eldfjallasafnið í Stykkishólmi að hátíðinni. Fyrirlestrar verða í safninu þar sem sjónum verður beint að Móðuharðindunum. Haraldur Sigurðsson, eldfjallafræðingur og forstöðumaður Eldfjallasafnsins í Stykkishólmi, mun fjalla um Móðuharðindin út frá jarðfræðinni og menningarsögunni. Sigrún Helgadóttir, rithöfundur og náttúrufræðingur, mun fjalla um tengsl íslenska þjóðbúningsins við Móðuharðindin, en saga íslensku búninganna tengist móðuharðindunum beint.

 

Fríða Björk Ólafsdóttir, þjóðfræðingur, mun fjalla um hvernig klæðnaður kvenna á Íslandi breyttist eftir að þær fengu kosningarétt fyrir hundrað árum og verður fyrirlestur hennar í gömlu kirkjunni í Stykkishólmi. Þar verður einnig sýning Ljósmyndasafns Stykkishólms og Listvinafélags Stykkishólmskirkju með sama þema.

 

Í Norska húsinu verður uppáklæddum gestum boðið upp á kaffi og pönnukökur. Helga Ósk Einarsdóttir gullsmiður mun sýna víravirki og skartgripi. Smíði hennar og hönnun byggir á flóknu handveki fyrri alda og í hönnuninni er að finna vísan í upphlutssilfrið sem prýðir íslenska kvenbúninga.

 

Kvöldvaka verður á laugardagskvöldið í vinnustofunni Tang & Riis þar sem bryddað verður upp á söng, kveðskap og jafnvel sagðar sögur. Hin síunga Heddý frá Stykkishólmi mun flytja gömlu góðu lögin í góðum félagsskap.

 

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is