Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. júlí. 2015 02:01

Unnur Steinsson verður hótelstjóri í Hólminum

Unnur Steinsson verður framkvæmdastjóri Fransiskus hótelsins sem nú er verið að opna í Stykkishólmi. Það mun hafa 25 herbergi og rúm fyrir 50 manns. Auk þess verður þar veitingaaðstaða og tveir fundasalir. Síðustu mánuði hafa staðið yfir umfangsmiklar breytingar á húsnæði sem kaþólska kirkjan í Stykkishólmi notaði áður fyrir dagvistun barna og vistarverur presta og nunna. Fransiskus hótelið verður í eigu kaþólsku kirkjunnar á Íslandi, mjög vel útbúið, staðsett á besta stað í bænum með fögru útsýni yfir Stykkishólmshöfn og nágrenni. Stykkishólmur hefur undanfarið verið í mikilli sókn sem viðkomustaður ferðamanna. „Þó að hótelið sé í eigu kaþólsku kirkjunnar þá verður það að sjálfsögðu opið öllum. Fólk þarf alls ekki að vera kaþólikkar til að búa hér. Þetta verður á allan hátt eins og önnur hótel,“ segir Unnur sem þessa dagana er önnum kafin við að koma rekstrinum af stað.

 

 

Unnur og fjölskylda hennar eiga gamalt hús í Stykkishólmi sem þau gerðu upp og hafa hingað til notað í frístundum. Undanfarin ár hefur hún starfað sem innkaupa- og vörustjóri hjá Lyfju. Hún hefur nú hætt störfum þar og flyst búferlum í haust ásamt eiginmanni og dóttur í Hólminn. „Þetta leggst mjög vel í okkur. Við erum mjög spennt að byrja nýtt líf hér í Stykkishólmi. Við höfum verið hér með annan fótinn í mörg ár, haft hrossin okkar hérna og eigum stóran vinahóp á staðnum,“ segir Unnur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is