Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. júlí. 2015 09:00

Myndlistarsýning í Hvítahúsinu

Svanhvít Valgeirsdóttir myndlistarkona og förðunarmeistari opnar myndlistarsýningu í einn dag í Hvítahúsinu í Krossvík fyrir utan Hellissand. Sýningin verður opin á milli kl. 17 og 21 á morgun, miðvikudaginn 29. júlí.

 

Svanhvít ólst upp á Gufuskálum til sjö ára aldurs og það má segja að þar hafi hún byrjað í myndlistinni. Pabbi hennar var tómstundamálari og byrjaði Svanhvít ung að mála með honum. Hún hefur búið um víða um heiminn og nú síðustu þrjú ár í Brussel þar sem maðurinn hennar er þýskur sendiráðs-starfsmaður. Svanhvít hefur því málað um allan heim en sækir þó oftast innblásturinn heim að Gufuskálum.

 

Svanhvít er einnig hæfileikaríkur förðunarfræðingur og hefur starfað í leikhúsum og óperunni í Reykjavík. „Ég hef mikið unnið við förðunina og var til að mynda skólastjóri Förðunarskóla Snyrtiakademíunnar í tvö ár og hlaut Eddu tilnefningu fyrir förðun í Ávaxtakörfunni árið 2014. Ég hef þó verið virkari í myndlistinni síðustu ár eða frá því ég flutti til Brussel og tek bara einstaka förðunarverkefni,“ segir Svanhvít.

 

Hún er búin að vera stödd á Íslandi allan júlí mánuð að undirbúa sýninguna í Hvítahúsinu og verður sýningin helguð kríunni og tveimur hvítum skúrum sem standa við Hríshól. Ég sýndi nokkrar slíkar myndir á sýningu í Brussel og þar voru allir mjög hrifnir af þessum skúrum. Á sýninguna mæta Kári Viðarsson og Anna Margrét Káradóttir þar sem þau munu syngja nokkur lög klukkan hálf níu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is