Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. ágúst. 2015 09:17

Uppfærð frétt - Vélin fannst inn af Hörgárdal

Lítil flugvél með tvo innanborðs fannst nú á níunda tímanum í kvöld í dal sem gengur inn af innanverðum Hörgárdal í Eyjafirði. Björgunarsveitir og aðrir viðbragðsaðilar voru því kallaðar til baka úr leit. Þyrla Landhelgisgæslunnar er á slysstað. Í tilkynningu frá Landsbjörgu kemur fram að verið er að flytja mennina á sjúkrahús.  Víðtæk og fjölmenn leit stóð yfir frá því síðdegis í dag eftir að vélin skilaði sér ekki á tilsettum tíma úr flugi. Hún fór frá Akureyri um klukkan 14 í dag og var áætlað að hún lenti fyrir sunnan klukkan 16:20.

 

Uppfært kl. 23:00:

Annar mannanna sem í flugvélinni voru er látinn. Hinn var fluttur með þyrlu til Akureyrar en þaðan með sjúkraflugvél til Reykjavíkur. Í tilkynningu frá lögreglunni á Norðurlandi eystra segir:

 

„Frá því síðdegis í dag hefur staðið yfir umfangsmikil leit lögreglu, björgunarsveita og Landhelgisgæslunnar að lítilli flugvél sem hélt frá Akureyri með tveimur mönnum um klukkan 14 áleiðis til Keflavíkur. Þyrla Landhelgisgæslunnar fann vélina um kl. 20:30 innarlega í Barkárdal við Gíslahnjúk.

 

Annar aðilinn var þá látinn en hinn var fluttur slasaður með þyrlu Landhelgisgæslunnar til Akureyrar og þaðan fluttur með sjúkraflugvél til Reykjavíkur. Ekki eru frekari upplýsingar um ástand þess slasaða. Ekki er unnt að greina frá nöfnum þeirra sem í flugvélinni voru. Rannsókn málsins stendur yfir og því ekki hægt að gefa frekari upplýsingar um málið að svo komnu,“ segir í tilkynningu lögreglu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is