Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. ágúst. 2015 10:14

FH hafði betur í spennandi viðureign á Skaganum

ÍA tók á móti toppliði FH á Akranesi í gærkvöld í 15. umferð Pepsi-deildar karla. Fyrir leikinn voru Skagamenn í 9. sæti deildarinnar með 17 stig. Leikurinn byrjaði vel fyrir heimamenn, sem skoruðu fyrsta mark leiksins á fjórðu mínútu. Það var Arnar Már Guðjónsson sem stökk hærra en aðrir í teignum og náði að skalla hornspyrnu frá Ásgeiri Marteinssyni beint í markið. Eftir að ÍA komst yfir spiluðu FH-ingar af krafti og höfðu betur. Þeir sóttu stíft og á 24. mínútu jöfnuðu þeir leikinn þegar Atli Viðar Björnsson skoraði með skoti úr markteigi eftir skyndisókn gestanna. FH-ingar voru mun meira með boltann í fyrri hálfleik en náðu ekki að skapa sér fleiri afgerandi færi og var staðan því jöfn í hálfleik.

 

Gestirnir voru sprækir í síðari hálfleik og hófu hann af krafti. Eftir frábæra sókn náði Emil Pálsson að koma FH í 2:1 á 49. mínútu þegar hann skoraði með skalla. FH-ingar héldu áfram og skoruðu sitt þriðja mark á 53. mínútu þegar Atli Viðar Björnsson skoraði sitt annað mark í leiknum með skalla eftir sendingu Serwy fyrir markið. Skagamenn gáfust þó ekki upp og það var Garðar Gunnlaugsson sem náði að minnka muninn í 3:2 á 81. mínútu með skoti af markteig. Heimamenn sóttu áfram af krafti eftir mark Garðars og Jón Vilhelm átti skot sem small í stönginni rétt fyrir leikslok. Undir lok leiksins fékk Skagamaðurinn Marko Andelkovic rautt spjald fyrir að brúka munn. Leiknum lauk með sigri FH-inga, 3:2 og sitja þeir enn á toppnum með 33 stig. Skagamenn eru áfram í 9. sæti deildarinnar og eru með 17 stig.

 

Næsti leikur ÍA er útileikur á móti Breiðabliki 17. ágúst næstkomandi.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is