Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. ágúst. 2015 01:25

Fyrsta haustlægðin óvenju snemma á ferðinni

Einar Sveinbjörnsson hjá Veðurvaktinni segir að samkvæmt almanaki sé enn hásumar og því sé lægðin sem kemur upp frá Grænlandhafi á morgun óvenju djúp miðað við árstíma. Hlýtt loft fylgir henni, þrungið raka og úrkomu og beinist til norðausturs í veg fyrir sérlega kalt loft sem hefur verið síðustu daga. Úr þessu verði stefnumót líkt og sjáist hjá fyrstu haustlægðunum sem alla jafna láta ekki á sér kræla fyrr en í lok ágúst eða þegar komið er fram í september. Einar segir að um hádegi á morgun taki að hvessa af suðaustri suðvestanlands. Horfur séu á að vindur nái hámarki síðdegis, á undan skilum lægðarinnar. Veðurhæð verði víða um 15-20 m/s allt frá Mýrdal vestur á Snæfellsnes. Um og yfir 20 m/s verði um tíma á sunnan- og vestanverðu hálendinu. Á jöklum verði síðan enn hvassara, til að mynda um 25 m/s á Langjökli þegar verst lætur.

Segir Einar að gera megi ráð fyrir hviðum allt að 35 m/s undir Eyjafjöllum um og eftir miðjan dag. Eins á Kjalarnesi og síðdegis undir Hafnarfjalli og ef til vill víðar um suðvestanvert landið. Þessu fylgi einnig talsverð rigning og bleyta á vegum.

Suðvestanlands sé útlit fyrir að heldur hvassara verði á Suðurnesjum en á höfuðborgarsvæðinu.  Þar bætir í vind einkum eftir kl. 13 og fram eftir degi. 

Annað kvöld hvessir einnig á Vestfjörðum og Norðurlandi, en gert er ráð fyrir að mesta veðurhæðin verði suðvestantil á landinu að þessu sinni. 

 

 

Vegna veðurútlits bendir tryggingafélagið VÍS á að mikilvægt sé að gera viðeigandi ráðstafanir vegna veðursins:

 

-              Taka trampólín niður eða festa tryggilega.

-              Setja garðhúsgögn í skjól.

-              Taka niður tjöld, fellihýsi og tjaldvagna. 

-              Ganga vel frá byggingarsvæðum og fergja lausamuni.

-              Kynna sér vindafar ef á að vera á ferðinni. Í þeim vindi sem spáð er verður ekkert ferðaverður fyrir húsbíla og eftirvagna.

-              Aka ekki í vatnsrásum sem kunna að myndast þar sem hjólför eru djúp. Hætta er á að bíll fljóti upp við þær aðstæður eða að sýn annarra ökumanna skerðist ef vatnsgusur fara yfir bíl þeirra.

-              Þá er rétt að benda á að stærri lauftré taka á sig vind í meira mæli að sumri en á öðrum árstímum. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is