Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. ágúst. 2015 01:03

Rúmlega þriðjungur makrílstofnsins innan íslenskrar lögsögu

Niðurstöður sameiginlegs makrílsleiðangurs Færeyinga, Íslendinga, Norðmanna og Grænlendinga sem farinn var á tímabilinu 1. júlí til 10. ágúst liggja nú fyrir í heild sinni. Í leiðangrinum tóku þátt fjögur skip, þar á meðal rannsóknaskipið Árni Friðriksson. Markmið leiðangursins var að kortleggja útbreiðslu og magn makríls og annarra uppsjávarfiskistofna í Norðaustur Atlantshafi meðan á ætisgöngum þeirra um Norðurhöf stendur ásamt því að kanna ástand sjávar og átustofna á svæðinu. Heildarvísitala makríls á svæðinu var metin um 7,7 milljón tonn, þar af voru tæp 2,9 milljón tonn innan íslenskrar efnahagslögsögu eða rúm 37% af heildarvísitölunni. Heildarvísitalan í ár er 1,3 milljón tonnum lægri en á síðasta ári en þá var hún sú hæsta síðan rannsóknirnar hófust árið 2007. Vísitala makríls innan íslenskrar lögsögu hefur hins vegar aldrei verið eins há og í ár, en síðustu þrjú ár var vísitalan þar um 1,6 milljón tonn. Á öðrum svæðum var magnið minna en á síðasta ári. Mesta þéttleika makríls var að finna suður af Íslandi og náði útbreiðslan þar sunnar en áður hefur sést. Heildarstærð svæðisins sem kannað var í ár var lítið eitt stærra en á síðasta ári en eins og undanfarin ár, var aðeins lítill hluti lögsögu Evrópusambandsins kannaður.

 

 

„Niðurstöður leiðangursins sýna enn og aftur víðáttumikla útbreiðslu makrílsins að sumarlagi. Það er þó ljóst að ekki náðist að dekka allt útbreiðslusvæði hans og þá sérstaklega suðaustur af yfirferðarsvæðinu í kringum Bretlandseyjar og í Norðursjó þar sem einkum yngri fiskur er talinn halda til á þessum árstíma. Útbreiðsla makríls var eins og áður sagði frábrugðin síðustu árum sem bendir til breytinga á farleiðum hans. Þær tengjast mögulega kaldari yfirborðssjó í vor suðaustur af Íslandi sem náði allt að ströndum Noregs. Líkt og síðustu ár var skörun á útbreiðslu makríls og síldar og var skörunin einkum vestan til í Austurdjúpi og austur af Íslandi.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is