Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. ágúst. 2015 11:25

Tíu Skagamenn gerðu jafntefli við Fylki

ÍA mætti Fylki í 18. umferð úrvalsdeildar karla í knattspyrnu í Árbænum í gær. Leikurinn fór ákaflega hægt af stað og fyrsta alvöru færi leiksins kom ekki fyrr en á 34. mínútu þegar Andrés Már Jóhannesson sendi stungusendingu inn fyrir vörn Skagamanna. Við henni tók Ingimundur Níels Óskarsson en skot hans fór naumlega framhjá. Fylkismenn voru líflegri fram á við það sem eftir lifði fyrri hálfleiks en Skagamenn lágu til baka og freistuðu þess að beita skyndisóknum.

 

 

Það sama var uppi á teningnum í síðari hálfleik. Skagamenn voru næst því að skora þegar Jón Vilhelm lyfti aukaspyrnu yfir varnarvegginn, á nærhornið en Ólafur Íshólm var vel á verði í marki Fylkis og varði skotið. Fylkismenn voru hins vegar líklegri. Ásgeir Örn Arnþórsson fékk dauðafæri á 54. mínútu eftir sendingu Alberts Brynjars Ingasonar en skaut framhjá. Á 69. mínútu átti sér stað mjög umdeilt atvik þar sem Þóroddur Hjaltalín dómari lék aðalhlutverkið. Arnar Már Guðjónsson kepptist þá við að ná boltanum á undan Fylkismanninum Ragnari Braga Sveinssyni. Þegar Arnar Már sá að sú barátta var töpuð nam hann staðar. Ragnar hleypur í kjölfarið á Arnar, sem var dæmdur brotlegur. Öllum að óvörum seildist Þóroddur þá í vasa sinn og sendi Arnar Má af velli með sitt annað gula spjald. Leikmenn ÍA léku því manni færri síðustu 20 mínútur leiksins og héldu það út þrátt fyrir dauðafæri Fylkismanna í uppbótartíma. Leiknum lauk því með markalausu jafntefli.

 

Eftir leikinn sitja Skagamenn í níunda sæti deildarinnar með 19 stig eftir 18 leiki, einu stigi meira en ÍBV, sem er í tíunda sæti og tveimur stigum á eftir Víkingi R. og Stjörnunni í sætunum tveimur fyrir ofan.

 

Næst taka Skagamenn á móti erkifjendunum úr KR á Akranesvelli sunnudaginn 13. september næstkomandi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is