Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. september. 2015 10:01

Nemendur á Bifröst hafa ekki um árabil verið jafn margir

Nemendum í Háskólanum á Bifröst heldur áfram að fjölga, en í haust verða um 630 nemendur við nám í skólanum en síðastliðið haust voru þeir 617.  Fjölgunin er fyrst og fremst meðal nemenda í háskóladeildunum en 500 nemendur eru nú í grunnnámi og meistaranámi á háskólastigi. Nýnemar við skólann eru um 300.  Nemendur hafa ekki verið fleiri um árabil í Háskólanum á Bifröst. Skólinn hóf í haust kennslu í viðskiptalögfræði í fjarnámi sem hefur hlotið mjög góðar viðtökur. Ennfremur býður skólinn nú upp á þann möguleika á vera í lögfræðinámi samhliða vinnu.

Stór árgangur laganema hefur nú nám í Háskólanum á Bifröst. Nýr sviðsstjóri lögfræðisviðs er Þorbjörg Sigríður Gunnlaugsdóttir og segir hún það mikla og skemmtilega áskorun að vera fyrstur háskóla á Íslandi til að bjóða upp á laganám í fjarnámi. „Háskólinn á Bifröst hefur verið frumkvöðull í kennslu í fjarnámi og nú er komið að því að bjóða upp á fjarnám einnig í lögfræðinni. Þetta nýmæli hefur orðið til þess að nemendum fjölgar mikið sem þýðir að áhuginn og eftirspurnin er sannarlega til staðar,“ segir Þorbjörg Sigríður.

Þá má einnig geta þess að Háskólinn á Bifröst, undir forystu Helgu Kristínar Auðunsdóttur, hlaut nýverið veglegan styrk til að þróa sérstaka námslínu á meistarastigi í fjarnámi í viðskiptalögfræði ásamt Árósaháskóla og University College í Dublin á Írlandi. „Okkar sérhæfing hefur verið viðskiptalögfræðin og framtíðarsýnin er að byggja á þeim góða grunni,“ segir Þorbjörg Sigríður að lokum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is