Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. september. 2015 10:25

Listamaður á söguslóðum er viðfangsefni á fyrsta fyrirlestri nýs starfsárs

Fyrirlestraröð Snorrastofu hefst með fyrra fallinu nú á afmælishausti þegar stofnunin fagnar 20 ára starfsafmæli sínu. Í kvöld, þriðjudaginn 15. september kl. 20:30, verður fjallað um ferðir hins þekkta danska listmálara Johannes Larsen til Íslands vegna myndskreytinga hans við hátíðarútgáfu Íslendingasagna í Danmörku árið 1930. Fyrirlesturinn verður í Bókhlöðu Snorrastofu og hann flytja Vibeke Nørgaard Nielsen og Sigurlín Sveinbjarnardóttir. Gunnar Gunnarsson rithöfundur og vinur hans, danski rithöfundurinn Johannes V. Jensen, áttu frumkvæði að útgáfunni. Til að gera veg sagnanna sem mestan fengu þeir Larsen til að túlka sögusviðið í myndum. Larsen fór í tvær langar og erfiðar ferðir um Ísland á árunum 1927 og 1930, kynntist landi og þjóð og vann verk sitt á aðdáunarverðan hátt. Ólafur Túbals, bóndi og listmálari í Múlakoti í Fljótshlíð, var aðalfylgdarmaður hans. Myndir Johannesar Larsens eru eftirminnileg, hófstillt og blæbrigðarík listaverk, alls á fjórða hundrað talsins, og dagbækur hans og Ólafs Túbals mikilsverðar heimildir um samfélag á breytingaskeiði.

 

 

Vibeke Nørgaard Nielsen rithöfundur hefur kynnt sér ítarlega dagbækur Johannesar Larsens og Ólafs Túbals og ferðast í fótspor þeirra um Ísland. Árið 2004 gaf Safn Johannesar Larsens í Kerteminde í Danmörku út bók hennar, SAGAFÆRDEN ─ Island oplevet af Johannes Larsen 1927 og 1930. Sigurlín Sveinbjarnardóttir þýddi bókina á íslensku. Hún var gefin út af bókaútgáfunni Uglu og ber titilinn Listamaður á söguslóðum ─ Johannes Larsen á ferð um Ísland 1927 og 1930.

 

Í þessum fyrirlestri um afreksverk Larsens í þágu íslenskrar menningar er honum fylgt eftir um söguslóðirnar með frásögn og myndum af íslenskri náttúru í tengslum við listaverk hans. Larsen fór í báðum ferðum sínum um Borgarfjarðarhérað og raunar allt Vesturland, teiknaði fjölda mynda og kynntist samfélaginu. Í fyrirlestrinum er lögð áhersla á þennan þátt í ferðum hans.

 

Fyrirlesturinn verður bæði fluttur á íslensku og dönsku, en með hjálp bæði lifandi mynda og listaverka, verður efni hans auðskilið. Sóknaráætlun landshluta styrkir þennan viðburð Snorrastofu svo og í Danmörku.

 

Aðgangseyrir er kr. 500 og boðið verður til kaffiveitinga og umræðna. Á næstu vikum gefur Snorrastofa svo út viðburðaskrá vetrarins og verður henni dreift á heimili héraðsins.

 

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is