Forsíða
Auglýsing
Rss straumur af fréttum frá Skessuhorni
Miðaftann. Þriðji Óðinsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. september. 2015 04:09

Níu af hverju tíu sem útskrifast úr Háskólagátt fara í háskólanám

Vefmiðillinn Stundin birti fyrr í vikunni viðtal við hjón sem hafa uppi alvarlegar ásakanir á hendur starfsmönnum Háskólans á Bifröst. Þau Hjalti Thomas Houe og Sólrún Fönn Þórðardóttir segja skólann hafa fullvissað sig um að nám við Háskólagátt Háskólans á Bifröst myndi veita þeim inngöngu í Háskóla Íslands. Sviðsstjóri kennslusviðs Háskóla Íslands segi námið hins vegar ekki veita rétt til náms við HÍ. Hægt sé að sækja um undanþágu en fáar deildir veiti hana. Þá segja þau hjón Hjalti og Sólrún að Háskólinn á Bifröst neiti að endurgreiða innritunargjöld. Vegna þessara ummæla í Stundinni hefur Vilhjálmur Egilsson rektor Háskólans á Bifröst sent frá sér yfirlýsingu. Þar segir m.a:

 

 

„Háskólinn á Bifröst hefur starfrækt Háskólagátt frá árinu 2013 en námið byggir á Frumgreinadeild sem starfrækt hafði verið á undan í 15 ár. Nám í Háskólagátt er án hefðbundinna skólagjalda en innheimt er annargjald hverja önn kr. 85.000. Samtals hafa um 200 nemendur útskrifast úr Háskólagátt frá 2013. Námið hefur reynst haldgóður undirbúningur fyrir nemendur sem stefna á háskólanám en hafa gert hlé á námi og sótt reynslu í atvinnulífið og/eða vantar framhaldsskólaeiningar til að komast í háskóla. Það er í langflestum tilfellum orðið 25 ára og getur því ekki komist inn í framhaldsskóla samvæmt núverandi reglugerð mennta- og menningarmálaráðuneytis. Nám í Háskólagátt er í fullu samræmi við aðalnámskrá framhaldsskóla. Próf úr Háskólagátt er hins vegar ekki frekar en önnur framhaldsskólapróf trygging fyrir því að komast í hvaða háskólanám hvar sem er,“ segir Vilhjálmur.

Vilhjálmur segir að um 90% þeirra sem útskrifuðust úr Háskólagátt á Bifröst árið 2014 hafa stundað háskólanám að útskrift lokinni, samkvæmt könnun sem skólinn gerði nýverið. Um helmingur nemenda við Háskólann á Bifröst en um 40% við aðra háskóla, hérlendis og erlendis. „Námið í Háskólagátt er miðað að því námi sem er stundað við Háskólann á Bifröst, viðskiptafræði, lögfræði og félagsvísindi. Við erum stolt af árangri Háskólagáttarnemenda í háskólanámi og er það eini marktæki mælikvarðinn sem við höfum á gildi námsins. Háskólagáttin hefur á liðnum árum skapað hundruðum einstaklinga tækifæri til háskólanáms, tækfæri sem þetta kraftmikla fólk hefði ella ekki notið. Árangur þess er skýrt merki um gildi námsins og gæði,“ segir Vilhjálmur Egilsson.

Þá segir Vilhjálmur að Háskólinn á Bifröst hafi ávallt gert umsækjendum um Háskólagátt grein fyrir því að námið tryggi ekki háskólavist. „Í viðtölum eru allir umsækjendur í Háskólagátt upplýstir um að til að komast í háskóla á Íslandi þurfi stúdentspróf, en þeir sem útskrifist með aðfararnám frumgreinadeilda sæki um á undanþágu sem háskólar geta nýtt sér með leyfi mennta- og menningamálaráðuneytis. Allir sem útskrifast úr Háskólagátt sækja um á undanþágu í háskóla á Íslandi. Auk þess er er tekið fram á heimasíðu skólans, bifrost.is, að allir háskólar landsins nýti sér þessa heimild mennta- og menningarmálaráðuneytisins.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is