Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. september. 2015 02:24

Fyrri hluti fjármögnunar sólarkísilverksmiðju Silicor í höfn

Fjórtán milljarða króna hlutafjársöfnun hlutafjáröflun Silicor Materials vegna fyrirhugaðrar sólarkísilverksmiðju á Grundartanga er í höfn. Erlendir hluthafar leggja til meirihluta fjárins en íslenskir lífeyrissjóðir og fagfjárfestar hafa skráð sig fyrir tæplega 6 milljarða króna framlagi. Um fyrri hluta fjármögnunar er að ræða en áætlað er að seinni hlutanum ljúki um mitt næsta ár.

 

Gengið hefur verið frá samningum milli Silicor Materials og Sunnuvalla slhf., félags í eigu íslenskra lífeyrissjóða og fagfjárfesta, þess efnis að félagið komi að uppbyggingu fyrirhugaðrar sólarkísilverksmiðju fyrirtækisins á Grundartanga með tæplega sex milljarða króna eiginfjármagni. Hópur erlendra fjárfesta, þ. á m. Hudson Clean Energy Partners og SMS Siemag, kemur með tæplega átta milljarða króna eiginfjármagn.

Heildarkostnaður við byggingu verksmiðjunnar er áætlaður vera 120 milljarðar króna. Gert er ráð fyrir að lánsfjármögnun undir forystu Þróunarbanka Þýskalands KfW standi að baki um 60% af heildarkostnaði. Jafnframt gerir fyrirtækið ráð fyrir að ráðast í seinni umferð hlutafjársöfnunar samhliða frágangi lánasamninga. Áætlað er að seinni fjármögnuninni ljúki um mitt næsta ár.

 

Þessa stundina stendur yfir blaðamannafundur Silicor Materials þar sem þessi fyrri hluti fjármögnunarinnar er kynntur fjölmiðlafólki.

 

Nánar verður greint frá því sem þar fer fram síðar í dag.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is