Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. september. 2015 05:22

Verkefni Silicor nýtur fulls stuðnings ríkisstjórnarinnar

Fyrr í dag var greint frá því á blaðamannafundi á Hótel Glym í Hvalfirði að fyrri lið hlutafjáröflunar Silicor Materials vegna byggingar sólarkísilverksmiðju á Grundartanga væri lokið. Nemur fjárhæð þessa fyrri hluta fjármögnunarinnar samtals 14 milljörðum króna og þar af koma átta milljarðar frá erlendum fjárfestum en sex milljarðar frá íslenskum. Sigmundur Davíð Gunnlaugsson forsætisráðherra sagði í samtali við Skessuhorn að mjög stórt skref hefði í dag verið stigið í þessu ferli. „Mér sýnist á því sem var verið að kynna hérna í dag að menn séu komnir yfir hvað erfiðustu hjallana. Það á að vísu eftir að klára orkumálin en ég hef nú fulla trú á að menn leysi það,“ segir Sigmundur Davíð.

 

Á morgun verður undirritaður samningur milli Silicor Materials og Orku Náttúrunnar ohf. um afhendingu raforku til handa sólarkísilverksmiðju Silicor á Grundartanga. „Þetta verkefni sameinar að nýta endurvinnanlega, umhverfisvæna og íslenska orku og búa með því til möguleikann á að framleiða umhverfisvæna orku annars staðar,“ segir Sigmundur Davíð.

 

Utan þess að vera gríðarlega umhverfisvænt telur forsætisráðherra að einnig sé hér um að ræða gríðarlega stórt, mikilvægt og jákvætt verkefni á margan annan hátt. „Þetta skapar fjölda starfa og eykur útflutningsverðmæti okkar, sem að við þurfum einmitt á að halda þessa dagana,“ sagði forsætisráðherra og bætti því við að stjórnvöld vonuðust að sjálfsögðu til þess að þetta gengi vel og verkefnið nyti fulls stuðnings beggja ríkisstjórnarflokka.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is