Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. september. 2015 11:09

Orka Náttúrunnar þarf ekki að ráðast í nýja virkjun vegna orkusölu til Silicor

Heildarorkuþörf Silcor Materials til sólarkísilframleiðslu á Kataneslandi við Grundartanga verður um 85 mW. Orkan mun koma frá Orku Náttúrunnar, Landsvirkjun og HS Orku. Í gær undirrituðu fulltrúar Silicor Materials og Orku Náttúrunnar ohf. raforkusölusamning um fyrsta áfanga verkefnisins í beinu framhaldi af fyrsta fjármögnunarsamningi Silicor. Stefnt er að því að undirrita samning um annan áfanga fyrir lok þessa árs eða snemma á því næsta. Samningurinn sem undirritaður var í gær kveður á um sölu á 40 mW raforku til fyrirhugaðrar sólarkísilverksmiðju á Grundartanga. Samningurinn er til 15 ára með möguleika á framlengingu og í tilkynningu frá ON segir að heildsöluverð í samningnum sé að jafnaði „farið að nálgast það sem heimili greiða fyrir rafmagn í smásölu í dag.“ Þar segir enn fremur að samkvæmt samningnum sé heildsöluverð raforku til handa Silicor Materials ekki tengt afurðaverði fyrirtækisins.

 

Afhending orkunnar hefst árið 2018 en um er að ræða fyrsta stórnotendasamning sem ON gerir eftir að fyrirtækið tók við virkjanarekstri og raforkusölu Orkuveitu Reykjavíkur í byrjun síðasta árs. Í tilkynningu frá ON kemur fram að samningar sem OR gerði árið 1997 og 2000 um orkusölu til Landsvirkjunar renni út á næstu misserum. Með samningi ON og Silicor nú sé tryggð sala á raforku sem bundin var í þeim samningum. ON komi því ekki til með að þurfa að ráðast í nýjar virkjanaframkvæmdir til að afla orkunnar.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is