Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. september. 2015 02:44

Líklega mun blóðrauður ofurmáni ekki sjást í nótt

Almyrkvi á tungli verður næstu nótt, aðfararnótt mánudagsins 28. september. Samkvæmt veðurspá eru þó litlar líkur á að hann muni sjást héðan af Vesturlandinu. Ef veður leyfði gæti myrkvinn þó sést og þá að öllu leyti frá Íslandi. Hægt er að njóta almyrkvans með berum augum, enda þarf hvorki sjónauka né önnur hjálpartæki til að sjá tunglmyrkva. Tunglmyrkvinn á sér stað á stærsta fulla tungli ársins, þ.e. þegar tunglið er næst Jörðu sem stundum er kallað „ofurmáni“. Það verður því blóðrauður ofurmáni á lofti aðfaranótt 28. september. Síðast sást almyrkvi frá öllu landinu að morgni 21. desember 2010.

 

 

Fram kemur á Stjörnufræðivefnum að myrkvinn muni hefjast klukkan 00:12 en á milli klukkan 02:11 og 03:23 verður tunglið almyrkvað og þá blóðrautt á himni. Tunglmyrkvar verða þegar sólin, Jörðin og tunglið liggja hér um bil í beinni línu. Tunglmyrkvar verða því aðeins þegar tunglið er fullt og gengur inn í skugga Jarðar. Þrátt fyrir það verða tunglmyrkvar ekki mánaðarlega vegna þess að brautarplan tunglsins og Jarðarinnar eru ósamsíða. Tunglmyrkvar sjást frá allri næturhlið Jarðar, ólíkt sólmyrkvum sem sjást aðeins frá takmörkuðu svæði á Jörðinni. Í þetta sinn sést myrkvinn best frá Norður-Ameríku og Evrópu og að öllu leyti frá Íslandi.

 

Lesa má betur um tunglmyrkvann á Stjörnufræðivefnum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is