Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. október. 2015 09:01

Svipmyndir úr seinni leit á Arnarvatnsheiði

Bændur úr uppsveitum Borgarfjarðar fóru í seinni leit á Arnarvatnsheiði í síðustu viku. Voru þeir heppnir með veður og gekk því allt eins og best verður á kosið. Fyrri leit á Arnarvatnsheiði er skipt í Dragaleit, Heiðarleit og Lambatunguleit. Þegar kemur að seinni leitum eru þær sameinaðar undir einn fjallkóng og fylgjast gangnamenn að fram að Helluvaði framan við Þorvaldsháls. Þar er skipað í leit og fara fimm fram Sauðafjöll Kalmanstungumegin Norðlingafljóts, en sjö fara norður yfir fljótið að Úlfsvatni  og þaðan milli vatna um Hæðarsporð í Álftakrók. Annan dag leitar fara Dragamenn allt fram í Fljótsdragaskála en hinir norður um vötn að Hlíðarvatni, um Hvannamóa, með Gunnarssonavatni og að Arnarvatni stóra. Þaðan er farið ofan hæðir í Álftakrók. Lokadag leitar er haldið ofan, smalað norðan Norðlingafljóts allt norður fyrir Úlfsvatn um Lambatungur, suður og niður um Kleppa til Fljótstungurréttar þaðan sem lagt var upp á fyrsta degi.

 

 

Tveir fyrri dagar leitarinnar í haust voru sannarlega sumarauki og á öðrum degi höfðu einhverjir á orði að sennilega kæmist blíðan og fegurðin næst því er gerist í himnaríki, þvílík var dýrðin. En síðasta daginn var afar mikil ókyrrð í lofti og gekk á með moldbyl undir Eiríksjökli svo menn héldust varla á baki hrossa sinna. Þó var bót í máli að ekki rigndi og rokið var að mestu í bak. Í Kleppunum datt veður svo niður og ósköpin gleymdust um leið.

 

Sjá myndskreytta frásögn Guðlaugs Óskarssonar í Skessuhorni vikunnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is