Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. október. 2015 10:25

Forseti Íslands ver forvarnardeginum á Akranesi

Forseti Íslands, hr. Ólafur Ragnar Grímsson, er nú í heimsókn á Akranesi og heimsækir þar tvo skóla. Tilefnið er forvarnardagurinn sem er í dag en hann er helgaður nokkrum heillaráðum sem geta hjálpað börnum og unglingum að forðast fíkniefni, ráðum sem eiga erindi við allar fjölskyldur í landinu. Forsetinn byrjaði á að heimsækja Brekkubæjarskóla klukkan 9 í morgun, þar sem hann horfði á myndband með nemendum 9. bekkjar og ræddi við þá á eftir um efni þess. Forsetinn fékk góðar móttökur við komuna þar sem allir nemendur skólans höfðu raðað sér upp frá bílastæði og að aðalinngangi skólans. Gaf hann sér tíma til að heilsa hverjum og einum nemanda og starfsfólki skólans með handabandi, vel á fimmta hundrað manns. Þá spjallaði hann einnig við nokkra nemendur í leiðinni og mátti heyra skemmtileg tilsvör, eins og: "Afi minn þekkir þig," sagði ungur drengur. "Nú, hvað heitir hann," spurði Ólafur Ragnar á móti. "Dóri afi," var svarið. Þegar inn var komið var tekið á móti honum með kórsöng. Eftir heimsóknina í Brekkubæjarskóla fór forsetinn í Fjölbrautaskóla Vesturlands þar sem hann dvelur nú. Þar hittir Ólafur Ragnar m.a. nýnema og horfir með þeim á forvarnarmyndband. Að lokum snæða gestirnir hádegismat í FVA.

 

Forvarnardagurinn er haldinn að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta, Reykjavíkurborg, Háskóla Íslands og Háskólann í Reykjavík. Verkefnið er stutt af lyfjafyrirtækinu Actavis.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is