Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. október. 2015 03:01

Frumraun Hönnu Ágústu leikritaskálds sett á svið í MH

Í gær frumsýndi Leikfélag Menntaskólans við Hamrahlíð leikritið Míkró. Höfundur þess er menntskælingur á fjórða ári, Hanna Ágústa Olgeirsdóttir úr Borgarnesi. Verkið er frumraun hennar sem leikritshöfundur. „Þetta er svona fyrsta leikritið eftir mig eina sem er sett upp, en ég skrifaði leikrit með öðrum þegar ég var í grunnskóla,“ segir Hanna. Auk þess að vera höfundur verksins þreytir Hanna frumraun sína sem leikstjóri og hefur sér til halds og trausts Önnulísu Hermannsdóttur aðstoðarleikstjóra.

 

Að sögn Hönnu er sögusvið leikritsins dystópískur framtíðarheimur. „Sagan gerist í heimi þar sem öll fegurð, tilfinningar og allt sem í raun og veru gerir okkur mennsk er horfið úr mannlegri tilveru. Fólk er hrátt og einfalt og allt í þessum heimi er mjög rökrétt,“ segir Hanna. „En svo er einn strákur sem heitir Míkró og er öðruvísi en allir aðrir. Hann upplifir ævintýraþrá, langar að uppgötva nýja hluti og finnur hjá sér að lífið er meira en þessi svarti kassi sem allir aðrir eru lokaðir inni í. Það leiðir hann inn á bannsvæði þar sem hann finnur bók, en þegar sagan gerist eru engar bækur til lengur, það er allt rafrænt. En þetta hefur síðan töluverðar afleiðingar sem ég ætla ekki að upplýsa hverjar eru,“ bætir hún við.

 

Til að kalla fram drungalegan framtíðarheiminn er öll leikmyndin svört sem og allir búningar. „Það skapar mjög undarlega stemningu. Sviðið verður bara eins og svartur kassi, það verða engir litir. Sem er ótrúlega skrýtið því ég geng sjálf alltaf í litríkum fötum,“ segir Hanna.

 

Aðspurð um innblástur verksins kveðst Hanna ekki geta nefnt eitt sérstakt dæmi. „Ég hef alltaf haft mikinn áhuga á ævintýrum og alls konar öðruvísi pælingum en maður veltir fyrir sér dag frá degi,“ segir hún en bætir því við að hún hyggist halda áfram að reyna fyrir sér sem leikritshöfundur.  „Ég hef mikinn áhuga á leiklist og það hefur verið ótrúlega skemmtileg reynsla að skrifa þetta leikrit og ég sé fram á að skrifa fleiri í framtíðinni.“

 

Ágóðinn af sölu aðgöngumiða, sem kostuðu 300 krónur, rann óskiptur til styrktarsjóðs bleiku slaufunnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is