Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. október. 2015 11:27

HÍ tekur afstöðu til Háskólagáttar á Bifröst

Háskóli Íslands hefur nú með formlegum hætti skýrt stöðu Háskólagáttar Háskólans á Bifröst gagnvart inntöku nemenda í nám í HÍ. Eins og fram kom í fréttum fyrr í haust fengu einhverjir sem stundað höfðu nám í Háskólagátt á Bifröst ekki námið viðurkennt til innritunar í HÍ. Afstaða HÍ til Háskólagáttar, sem er aðfararnám að háskólanámi, kemur fram í bréfi Jóns Atla Benediktssonar rektors HÍ til Háskólans á Bifröst. Bréfið er niðurstaða af samstarfi milli skólanna um að eyða óvissu um stöðu náms í Háskólagáttinni gagnvart inntöku Háskólagáttarnema í HÍ. Nú hefur þeirri óvissu verið eytt og staða Háskólagáttarnema varðandi aðgang að Háskóla Íslands liggur fyrir.

Almennt gildir að hver deild innan Háskóla Íslands hefur ákveðin viðmið um mat á námi umsækjanda án stúdentsprófs sem eru teknir inn á undanþágum og hvert tilvik er metið sérstaklega þar sem til álita kemur m.a. hversu mörgum framhaldsskólaeiningum umsækjandi hefur lokið áður en nám í Háskólagátt hófst, hvort sama námskeið er tvítalið og hvort grunnnámskeiðum í framhaldsskóla hafi verið lokið. Ennfremur er litið til þess hvort umsækjandi ljúki valáföngum á sumarönn í Háskólagáttinni og hafi viðbótareiningar í tungumálum eða samfélagsfræðum ef við á.

 

Opnasta leiðin fyrir Háskólagáttarnema til að fá undanþágu frá formlegum inntökuskilyrðum er inn í Félagsráðgjafadeild, Íþrótta-, tómstunda- og þroskaþjálfadeild, Kennaradeild og Uppeldis- og menntunarfræðadeild. Með því að taka valáfanga á sumarönn í Háskólagátt opnast leiðir inn í Félags- og mannvísindadeild, Stjórnmálafræðideild og Sálfræðideild. Sé bakgrunnur með tilteknum einingum í tungumálum og samfélagsgreinum opnast væntanlega leiðir í Deild erlendra tungumála, bókmennta og málvísinda, Guðfræði- og trúarbragðafræðideild, Íslensku- og menningardeild að hluta og Sagnfræði- og heimspekideild (að undanskilinni sagnfræði). Deildir Háskóla Íslands geta breytt undanþáguskilyrðum frá ári til árs og kemur þá slíkt fram á heimasíðum þeirra. Margar deildir Háskóla Íslands veita engar undanþágur frá stúdentsprófi.

„Háskólinn á Bifröst fagnar þessum áfanga í samskiptum skólans og Háskóla Íslands. Nemendur Háskólagáttar Háskólans á Bifröst hafa flestir hug á háskólanámi. Rúmlega helmingur þeirra hefur komið í beinu framhaldi í Háskólann á Bifröst en aðrir leitað annað. Hingað til hefur ekki verið nægilega ljóst fyrirfram um aðgang þessara nemenda að Háskóla Íslands. Nú hafa málin verið skýrð og er það fagnaðarefni,“ segir í tilkynningu frá Háskólanum á Bifröst.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is