Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. október. 2015 12:17

Andlát – Guðbjartur Hannesson alþingismaður

Guðbjartur Hannesson, alþingismaður og fyrrverandi ráðherra, forseti Alþingis og skólastjóri á Akranesi er látinn, 65 ára að aldri. Guðbjartur greindist í sumar með krabbamein og háði stutta en snarpa baráttu við sjúkdóminn, baráttu sem lauk í morgun. Guðbjartur hefur verið alþingismaður fyrir Samfylkinguna í Norðvesturkjördæmi síðan 2007. Hann var félags- og tryggingamálaráðherra og síðan heilbrigðisráðherra 2010 og velferðarráðherra 2011–2013. Þá var hann Forseti Alþingis árið 2009.

 

 

 

Guðbjartur var fæddur á Akranesi 3. júní 1950. Foreldrar hans voru Hannes Þjóðbjörnsson verkamaður og Ólafía Rannveig Jóhannesdóttir. Guðbjartur lauk kennaraprófi frá KÍ árið 1971 og tók tómstundakennarapróf frá Seminariet for Fritidspædagoger, Vanløse í Danmörku 1978. Þá aflaði hann sér framhaldsnáms í skólastjórn KHÍ 1992–1995 og tók meistarapróf frá kennaraskóla Lundúnaháskóla 2005. Guðbjartur vann á sumrum samhliða námi í Búrfellsvirkjun og Sementsverksmiðju ríkisins. Hann var kennari við Grunnskóla Akraness 1971–1973, erindreki Bandalags íslenskra skáta 1973–1975 og kennari við Peder Lykke Skolen á Amager í Kaupmannahöfn 1978–1979. Árið 1979 varð hann kennari við Grunnskóla Akraness og skólastjóri var hann við Grundaskóla á Akranesi 1981–2007. Guðbjartur sat í bæjarstjórn Akraness 1986–1998 og gegndi ýmsum trúnaðarstörfum fyrir bæjarfélagið og hið opinbera. 

 

Eftirlifandi eiginkona Guðbjartar er Sigrún Ásmundsdóttir yfiriðjuþjálfi. Þau áttu tvær dætur.

 

Skessuhorn sendir eiginkonu, dætrum og fjölskyldu Guðbjartar Hannessonar innilegar samúðarkveðjur.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is