Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. nóvember. 2015 09:01

Fóru í sunnudagssiglingu yfir Faxaflóann

Borgarstjórinn í Reykjavík og bæjarstjórinn á Akranesi sigldu saman ásamt nokkrum kjörnum fulltrúum og embættismönnum með hvalaskoðunarskipinu Rósinni frá Reykjavíkurhöfn til Akraneshafnar á sunnudaginn. Tilefni ferðarinnar var að kynnast af eigin raun hvernig það væri að sigla með litlum en hraðskreiðum farþegabáti þessa leið með það fyrir augum að fólksflutningar verði aftur teknir upp á sjóleiðinni milli Akraness og Reykjavíkur.

Starfshópur undir formennsku Kristínar Soffíu Jónsdóttir stjórnarformanns Faxaflóahafna vinnur nú að því að skoða fýsileika slíkra siglinga. Í byrjun þessa árs var lögð fram hagkvæmnisathugun sem gaf til kynna að farþegasiglingar milli Akraness og Reykjavíkur gætu hugsanlega staðið undir sér. Það var meðal annars að gefnum þeim forsendum að keypt yrði skip fyrir 120 milljónir og að farþegafjöldi næði 60 þúsundum á ári.

 

Á meðfylgjandi mynd eru þau sem fóru í siglinguna á sunnudaginn talið frá vinstri: Hrólfur Jónsson forstöðumaður skrifstofu atvinnu og eigna hjá Reykjavíkurborg, Áshildur Bragadóttir forstöðumaður Höfuðborgarstofu, Regína Ásvaldsdóttir bæjarstjóri á Akranesi, Kristín Soffía Jónsdóttir formaður stjórnar Faxaflóahafna, Dagur B. Eggertsson borgarstjóri, Ólafur Adolfsson og Ingibjörg Valdimarsdóttir bæjarfulltrúar og bæði í stjórn Faxaflóahafna, og Gísli Gíslason hafnarstjóri.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is