Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. nóvember. 2015 11:05

Ætla að endurvekja SamVest samstarfið í frjálsum

Síðdegis á morgun ætla fulltrúar SamVest-samstarfsins í frjálsum íþróttum að endurnýja samning sinn um samstarf í frjálsum íþróttum. Undirritun fer fram samhliða samæfingu í frjálsíþróttahöllinni í Kaplakrika, þar sem iðkendur í frjálsum íþróttum af vestanverðu landinu verða mætt á sameiginlega frjálsíþróttaæfingu á vegum SamVest.

SamVest varð til haustið 2012 þegar undirrituð var viljayfirlýsing sex héraðssambanda á vestanverðu landinu um samstarf um að efla frjálsíþróttaiðkun barna og unglinga á samstarfssvæðinu. Svæðið nær allt frá Kjalarnesi yfir Vesturlandið allt og til sunnanverðra Vestfjarða og Stranda. „Reynsla síðastliðinna þriggja ára hefur verið mjög góð og samstarfið hefur vaxið og þroskast. Ýmsir viðburðir eru haldnir, sameiginlegar æfingar bæði heima og á höfuðborgarsvæðinu þar sem fengnir eru gestaþjálfarar frá stærri frjálsíþróttadeildum félaga á höfuðborgarsvæðinu. Þá er farið í æfingabúðir, mót og sameiginlegt lið SamVest hefur tekið þátt í bikarkeppnum FRÍ. Í mars síðastliðnum var gerður samningur við frjálsíþróttadeild FH um að SamVest fengi inni í nýju frjálsíþróttahöllinni í Kaplakrika fyrir samæfingar sínar og að deildin sæi SamVest fyrir gestaþjálfurum á þessum samæfingum, auk annars samstarfs. Samningsundirritun nú er til að framlengja þessu góða samstarfi til næstu þriggja ára í ljósi góðrar reynslu,“ segir í tilkynningu frá SamVest. Geta má þess að SamVest samstarfið fékk hvatningarverðlaun UMFÍ á ársþingi félagsins í liðnum mánuði. Meðfylgjandi mynd var tekin við það tilefni.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is