Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. nóvember. 2015 06:01

Svört skýrsla um umfang óskráðrar íbúðagistingar

Háskólinn á Bifröst hefur unnið skýrslu um umfang íbúðagistinga í ferðaþjónustu. Skýrslan er unnin á forsendum samnings við atvinnu- og nýsköpunarráðuneytisins og hefur ráðherra nú veitt henni viðtöku. Í tengslum við skýrsluna var kannað umfang íbúðagistingar á Íslandi sem auglýst er á vefsíðunni www.airbnb.com. Leiddi könnunin m.a. í ljós að um 1.900 herbergi og íbúðir voru á síðunni á ská í Reykjavík, en samkvæmt upplýsingum frá sýslumanninum á höfuðborgarsvæðinu eru einungis 13% þessara íbúða skráðar með leyfi til íbúðagistingar. Í skýrslunni kemur einnig fram að 3400 íbúðir og herbergi er skráð á vefnum airbnb.com hér á landi. Þá kemur einnig fram að 4% allra íbúða í Reykjavík eru boðnar til útleigu til ferðamanna.

 

 

Íbúðagisting hefur verið fyrirferðamikil í uppbyggingu ferðaþjónustunnar en skráningu útleigðra íbúða hefur verið talið ábótavant og óljóst hvernig samkeppnistaða íbúðagistingar væri miðað við hefðbundna tegund ferðamannagistingar. Í skýrslunni er dregið fram umfang íbúðagistingar og þess vanda sem myndast af ófullnægjandi skráningu íbúða sem leigðar eru út í skammtímaleigu til ferðamanna. Íbúðagisting er hluti af deilihagkerfi sem byggir á því að einstaklingar geti leigt eða fengið lánuð gæði í eign annarra sem ekki eru nýtt. Í skýrslunni er að finna tillögur til úrlausna, svo auðveldara verði að skrá íbúðir sem leigðar eru í skammtímaleigu til ferðamanna og eins að greiða af þeim tilskylda skatta og gjöld. Skýrslan skapar góðan grunn til viðbragða og aðgerða til að skrá íbúðir, draga úr skattsvikum og skýra reglur um íbúðir sem leigðar eru til ferðamanna til skamms tíma,“ segir í kynningu frá Háskólanum á Bifröst.

 

Meðal niðurstaðna í skýrslunni er nefnt að aukinn ferðamannastraumur hingað til lands undanfarin ár hefur haft þau áhrif að hótel og gististaðir anna ekki eftirspurn og hefur því íbúðagisting þróast sem raunhæfur gistimöguleiki. Íbúðagistingin hefur fyrst og fremst verið í gegnum síðuna www.airbnb.com og má leiða að því líkum að þessi þjónusta auðveldi mjög móttöku aukins fjölda ferðmanna. Fjölgun hótelherbergja hefur ekki haldið í við fjölgun ferðamanna og hafa þeir því þurft að leita að öðrum gistimöguleikum á Íslandi meðan á dvöl þeirra stendur. Hér á landi eru í gildi sérstök lög um veitingastaði, gististaði og skemmtanahald. Þessi lög eru ekki talin ná nægilega vel utan um íbúðagistiþjónustu sem fer vaxandi. Skýrslan leiðir í ljós að lög og reglur hafa ekki mætt þessum nýja veruleika og því þarf að koma til gagnger endurskoðun þar á. Einfalda þarf leyfisveitingaferlið þannig að auðveldara verði fyrir einyrkja að stunda þessa starfsemi löglega en nú er mikill meirihluti íbúða á Airbnb rekin án tilskilinna leyfa.

 

Þá segir að reglur um skattlagningu íbúðagistingar séu ekki skýrar. Leyfislaus rekstur greiðir hvorki skatta né gjöld og því verða ríki og sveitarfélög af umtalsverðum skatttekjum. Af venjulegu íbúðahúsnæði eru greidd 0,2% fasteignagjöld en af atvinnuhúsnæði (m.a. gististöðum) eru greidd 1,65% fasteignagjöld. Er því mikilvægt að haga skattalöggjöf með þeim hætti að hvati verði til þess að stunda starfsemina löglega með tilheyrandi greiðslum skatta og gjalda. Loks segir að röng skráning íbúða geti haft alvarlegar afleiðingar t.d. hvað öryggi varðar og skekkir samkeppni á markaði. „Opinberir aðilar verða að laga skráningarferli sitt og uppfæra miðlæga gagnagrunna um umfang íbúðagistingar.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is