Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. nóvember. 2015 01:01

Árgangamót ÍA haldið í fimmta sinn á laugardaginn

Laugardaginn 14. nóvember næstkomandi fer Árgangamót ÍA fram í Akraneshöllinni í fimmta sinn. Að sögn aðstandenda mótsins hafa þátttakendur aldrei verið fleiri, en ríflega 200 karlar og konur hafa skráð sig til leiks og munu sýna gamla takta á laugardaginn. Árgangamótið var fyrst haldið árið 2011 og féll strax í frjóan jarðveg. Mikil hefð hefur skapast í kringum mótið og er nýr árgangur tekinn inn ár hvert. Að þessu sinni er það árgangur 1985 hjá körlunum. Eftir sem áður verður þátttaka í kvennaflokki opin öllum.

„Frá upphafi hefur gengið vonum framar að koma þessu móti á og strax frá fyrsta ári hefur það vakið mikla lukku. Það var mjög ánægjulegt árið 2013 þegar það var kvennariðill í fyrsta sinn og fjölgar kvennaliðum með hverju árinu. Það hefur verið sérstaklega gaman að sjá allt fólkið sem kemur í höllina til að fylgjast með og sérstaklega hve margir foreldrar koma og kíkja á börnin, alveg eins og á krakkamótunum,“ segir Ingi Fannar Eiríksson sem sæti á í undirbúningsnefndinni.

 

Uppskeruhátíð í fyrsta sinn

Í tilefni afmælisársins verður blásið til mikillar veislu að móti loknu þar sem haldin verður uppskeruhátíð að Jaðarsbökkum sem nefnist Carnival Rejúníjon. „Veislustjóri verður Sólmundur Hólm, hljómsveitin Abbabbabb mun stíga á stokk í fyrsta sinn í mörg ár og hinn eini sanni Björn Jörundur mun svo slá botninn í kvöldið. Er því um tilvalið tækifæri til að koma saman, hitta gamla vini, spila fótbolta og skemmta sér á Akranesi og um leið styrkja knattspyrnufélagið. Húsið opnar kl. 19:00 með Happy hour til kl. 20:00, þegar formleg dagskrá hefst. Formlegri dagskrá lýkur um miðnætti,“ segir Ingi Fannar.

Þetta er nokkuð breytt fyrirkomulag frá því sem verið hefur. „Í samstarfi við knattspyrnufélagið ætlum við að reyna að víkka út viðburðinn. Síðan 2012 hefur herrakvöld ÍA verið haldið sama dag en eftir að þátttaka kvenna fór að aukast höfum fundið fyrir þörf að halda sameiginlegan viðburð,“ segir Ingi Fannar Eiríksson. „Við sem stöndum að þessu erum sérstaklega spennt að halda lokahóf í fyrsta skipti og mjög bjartsýn á að þetta form sé komið til að vera. Við horfum til þess að þetta geti orðið einn af skemmtilegri viðburðum á Akranesi þar sem fólk kemur saman og á góðan dag,“ segir hann og bætir við að allir séu velkomnir á uppskeruhátíðina um kvöldið, þátttaka í árgangamótinu fyrr um daginn sé alls ekki skilyrði. „Við vonumst til að bæði keppendur og bæjarbúar fjölmenni því við lofum skemmtilegu hófi með góðum mat og drykk,“ segir hann.

En hverjir munu standa uppi sem sigurvegarar á árgangamóti ÍA 2015? „Tvö ár í röð hefur lið 1975+ staðið uppi sem sigurvegari í kvennaflokki og þær eru sigurstranglegar í ár. Í karlaflokki verður lið 1979 árgangsins hið fyrsta til að verja titilinn.,“ segir Ingi Fannar Eiríksson að lokum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is