Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. nóvember. 2015 01:38

Minnihlutinn í Borgarbyggð bókar um skólamál

Á síðasta fundi sveitarstjórnar Borgarbyggðar fimmtudaginn 12. nóvember sköpuðust miklar umræður um skólamál í Borgarbyggð og þá einkum Hvanneyri. Eins og kunnugt er þá ákvað meirihluti sveitarstjórnar Borgarbyggðar á fundi sínum 11. júní sl. að loka Hvanneyrardeild Grunnskóla Borgarfjarðar næsta vor.  Þessi ákvörðun hefur verið mjög umdeild og valdið mikilli reiði meðal íbúa á Hvanneyri. Nú telja fulltrúar minnihlutans í sveitarstjórn Borgarbyggðar að forsendur hafi breyst mjög til batnaðar í fjármálum Borgarbyggðar. Því  beri að endurskoða fyrri ákvörðun og leita lausnar í samvinnu og sátt við íbúa á Hvanneyri. Á sveitarstjórnarfundinum lagði Geirlaug Jóhannsdóttir fulltrúi Samfylkingar fram bókun fyrir hönd síns flokks og Vinstri grænna. Bæði þessi framboð skipa minnihluta sveitarstjórnar.

Þar segir meðal annars að mikil átök hafi nú staðið í hálft ár. Nú stefni í að fólk verði hrakið burt úr sveitarfélaginu vegna þess að það sætti sig ekki við tilhögun skólamála fyrir íbúa Hvanneyrar. Það muni leiða til tekjutaps fyrir Borgarbyggð. Minnihlutinn telur að skapa megi sátt í þessu máli. Nú hafi komið fram í úttekt fræðslustjóra Borgarbyggðar að vel megi koma fyrir allt að 20 barna grunnskóladeild í húsnæði leikskólans Andabæjar án þess að mikill kostnaður fylgi.  Í bókun minnihlutans sem nálgast má í fundargerð á vef Borgarbyggðar segir svo orðrétt:

„Við skorum á meirihluta sveitarstjórnar að endurskoða ákvörðun sína frá því 11. júní 2015 og heimila áfram rekstur grunnskóladeildar á Hvanneyri frá 1.- 4. bekk með samrekstri leik- og grunnskóla í húsnæði Andabæjar sem rúmar 74 börn. Með samnýtingu á húsnæði má ná fram varanlegri hagræðingu sem nemur 23-25 milljónum fyrir utan rekstur og söluandvirði húsnæðis grunnskóla Borgarfjarðar á Hvanneyri skv. minnisblaði fræðslustjóra frá 3. október. Munurinn á kostnaði við 1.-2. bekk og 1.-4. bekk eru u.þ.b. 6 milljónir króna á ári.

 

Við teljum að forsendur séu brostnar fyrir útreikningi á áætluðum sparnaði við breytingar á skólahaldi á Hvanneyri vegna þess að sveitarstjórn láðist að taka með í reikninginn áhrif á jöfnunarframlag til reksturs grunnskóla frá Jöfnunarsjóði (sem voru 209 milljónir á árinu 2015) og því er allsendis óljóst hver endanlegur sparnaður verður, ef einhver.

 

Við fögnum því að fjárfestingageta sveitarfélagsins er að aukast og til standi að ráðast í viðbyggingu við Grunnskóla Borgarness á næstu árum eins og fram kemur í framkvæmdaáætlun fyrir 2016. Mikilvægt er að halda áfram að fækka fermetrum í eigu sveitarfélagsins því viðhaldskostnaður og viðhaldsþörf er mikil. Söluhagnaður vegna eignasölu hefur haft mikla þýðingu fyrir sveitarsjóð og mun auðvelda sveitarstjórn að ná markmiði um rekstrarjöfnuð á hverju þriggja ára tímabili.

 

Það er ekki of seint að leysa úr þessum ágreiningi með þeim hætti að það leiði til nýsköpunar í skólastarfi og breytinga til batnaðar í sátt við íbúa á svæðinu.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is