Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. nóvember. 2015 12:53

Spennan magnast í úrslitaeinvígi briddsfólks

Síðustu tvö kvöld í aðaltvímenningi Briddsfélags Borgarfjarðar hafa verið æsispennandi. Í síðustu viku slógu Sigurður fiskifræðingur og Stefán Kalmansson heldur betur í og uppskáru 62,8% skor. Næst á eftir þeim komu Sveinbjörn og Lárus á Hvanneyri með 60,1% og þriðju urðu Eyfi Kiddi og Magnús B. með 58,9%. Í fjórða sæti voru refirnir Kristján í Bakkakoti og Jóhann á Steinum með 57,4% skor og í kjölfarið komu hjónakornin Rúnar og Dóra með 55,4%. Næstsíðasta kvöldið í tvímenningnum fór síðan fram í gær þar sem þrjú pör spiluðu af miklum móð og voru í rauninni í sérflokki þetta kvöldið. Rúnar og Dóra skoruðu hvorki meira né minna en 63,1% og „gamla“ vélin hjá Hvanneyringunum Sveinbirni og Lárusi malaði vel með 62,8%. Fjósakarlinn og einræðisherra Briddsfélagsins; Ingimundur í Deildartungu kom eldsprækur inn til baka með makker sínum Jóni mjólkurbílsstjóra með 61,3%. Næst á eftir komu Skagamennirnir Magnús og Sigurgeir með 55,7% sem spiluðu í fjarveru Egils í Örnólfsdal og Sindra í Bakkakoti. Fimmta sætið var svo rétt marið af Önnu Heiðu og Einari „vigtara“ með 53,6% skor.

 

Heildarúrslitin eru því farin að skýrast en ljóst að lítið má út af bregða hjá efstu fimm pörunum og er hnífjafnt á milli þeirra. En í fyrsta sæti eru Sveinbjörn og Lárus með 57,4% og í hálsmálið á þeim anda Rúnar og Dóra með 57,1%. Þriðja sætið verma Ingimundur og Jón með 54,5% og við hæla þeirra eru Eyfi Kiddi og Magnús B. með 54,2% og í því fimmta sitja Stefán og Sigurður með 53,3%. Það verður því spennuþrungið kvöld næsta mánudag og ljóst að þessi pör munu spila til sigurs enda hörð í horn að taka.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is