Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. nóvember. 2015 01:20

Verkalýðsfélag Akraness boðar til neyðarfundar

Verkalýðsfélag Akraness hefur boðað til neyðarfundar í dag með starfsmönnum Akraneskaupstaðar. Í fundarboði verkalýðsfélagsins segir að ástæðan fyrir fundinum sé djúpstæður ágreiningur félagsins í kjarasamningsviðræðum við Samband íslenskra sveitarfélaga. Verkalýðsfélagið hefur gagnrýnt harðlega SALEK-samkomulagið sem snýst um að færa kjarasamningagerð í átt að því sem tíðkast á Norðurlöndum, þar sem mið er tekið af svigrúmi samkeppnisgreina og samið út frá því. Á vefsíðu VLFA segir að samkomulagið geti verið gróft brot á lögum um stéttarfélög og vinnudeilur enda gangi það út á að skerða stórkostlegan frjálsan samningsrétt íslenskra stéttarfélaga. Samband íslenskra sveitarfélaga hefur nú krafist þess að Verkalýðsfélag Akraness falli frá máli sem rekið er fyrir Félagsdómi og að félagið skrifi undir samskonar samning og 35 stéttarfélög á landinu hafa gert, þar sem búið er að hengja SALEK samkomulagið við kjarasamninginn.

 

 

„VLFA gerir ekki ýkja miklar athugasemdir við launabreytingar samningsins enda eru þær innan þeirra væntinga sem félagið hafði hvað launahækkanir til handa starfsmönnum Akraneskaupstaðar varðar. Hinsvegar kemur ekki til greina að skrifa undir samkomulag með svokölluðu SALEK samkomulagi því forsvarsmenn félagsins eru löghlýðið fólk og skrifar ekki undir samkomulag sem yfirgnæfandi líkur eru á að sé brot á íslenskum lögum,“ segir í frétt VLFA sem að endingu hvetur alla sem starfa hjá Akraneskaupstað til að mæta á fundinn sem verður haldinn í hátíðarsal íþróttamiðstöðvarinnar að Jaðarsbökkum klukkan 17 í dag, föstudag.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is